Hibru 10:32 - Udél Dwata: Gna Kesfasad ne Lomi Kesfasad

³² Okóm tekuy, hol hentulón ye nawa yóm tehe kdaw ye ekni, yóm kdaw tehe kehlayag Dwata lem hendem ye. Tey sidek tehe keglayam ye lemwót bè yóm deng kehtahu ye, okóm là gwiten kuy.

Hibru 10:32 Referans Kwoze

Hibru 6:4

Ke deng hemtahu bè Dwata yóm tau, ne ke tnagaken, là kô bud gbeken du ne mawik nawahen ebè Dwata anì hegsel. Yóm tau monu yó, deng tehe hlayag Dwata kehedemen, ne deng gnómen yóm deng blay Dwata du lemwót gu bè longit, ne yóm deng knóen béléen yóm kun Tulus Dwata.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.

2 Jan 1:8

Yó gónóm mon, hol ten-gama ye anì là lanahen bélê ye yó kem deng gel tolok me kuy. Kóyóu ke hol guta ye yóm ofol fan Dwata kuy.

Flipay 3:16

Baluen ke lómón yó kehedem le, syan ke hol henkteng tekuy yóm deng klolò te du lemwót bè kbut yóm kehtahu te.

Deng Hegfan 3:3

Hol bud nulék ye yóm deng tehe gna gungol ye bè yóm tehe tolok le kuy ne hol hentahu ye. Hol nimón ye dé, ne hol knogol ye yó kem salà ye. Ke là hetngón ye, tódô kentutu yu lómón ksut yóm tau mnagaw, là kô tngón ye du yóm kdaw ksutu.

Kulasi 2:1

Kóyóu ke hol tngón ye yóm tey khotuhu gelu bélê ye, dalang se bè yó kem tau bè Ludisya, ne yó kem dumu tau là deng tngón le do he.

Deng Hegfan 2:5

Hol hendem ye dé yóm tey tehe nawa ye ebéléu ekni. Knogol ye ne yó kem salà ye, ne bud hulék ye ebè yóm hyu tehe gel nmò ye ekni. Ke là hdon ye du nim monu mò kuy ni, tódóe mógów edyó lem blóng ye naw e kó yóm kuy solok.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Hibru 5:12

Tey deng kegen ye hemtahu, yake deng ye kem olò hulung tmolok ne yóm Udél Dwata bè kem dumu ye. Là myó. Hyu ke wen tau na bud tmolok kuy yóm hol tanay dnalang yóm tau hemtahu lemwót bè yóm Udél Dwata. Yó gónóhu e hmingun kuy, hol lómón yóm ngà tolo tmutù. Là deng gbeken du he mken du yóm mgel.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.