Hibru 10:30 - Udél Dwata: Gna Kesfasad ne Lomi Kesfasad

³⁰ Yakà deng tngón tekuy du se yóm Dwata tehe mon du, “Ou se yóm fen gel meles. Ou se fen gel malà.” Ne bud monen, “Knukum yóm gónó tekuy mogot yó kem kun tau.”Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Hibru 10:30 Referans Kwoze

Sulat Pol Ebè Yó Kem Tau Hemtahu Bè Rom 12:19

Ó kem wè, hol bê ye abay meles. Tódô bayà ye bè Dwata, abay se deng monen bè Sulat Dwata, monen, “Ou he fen gel meles. Ne ou he fen gel malà.”

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Kem Lingón 50:4

Tinoken longit ne tonok mò temksì du yóm kkukumen yó kem kun tau.

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

Kem Lingón 135:14

Abay se angat nfi Dwata yó kem kun tau, ne tey kkoduhen kul, yakà lu du yó kem tóbóng lówóhen.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Sulat Pol Ebè Yó Kem Tau Hemtahu Bè Rom 13:4

Abay se yó kem tau mit udin yó, lu se deng snigang Dwata, nmò le yóm kuy kehyu. Okóm ke mulé tekuy udin, wen klikò tekuy bélê le, abay se wen kwalis le tmafak. Lu se deng snigang Dwata mò tmafak yó kem tau mulé udin.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Isikél 18:30

Bud ni se udél yóm Dwata hol dandónen geta, monen, “Duhen ni, kem tau Israél, angat knukumu yu ket kuy na sotu lemwót bè yó kem deng nmò ye. Knogol ye ne yó kem sidek gel nmò ye anì là gwiten kuy lem hatay.

Isikél 34:17

Ke bélê ye kuy, kem tau Israél kem dou ubiha, ni se udél yóm sana Dwata hol dandónen geta. Knukumu yu yóm ket kuy na sotu, sentólóngu yóm hyu bè yóm sidek duhen yó se kem ubiha ne yó kem kambing.

Isaya 63:4

Yakà dengen sut ne yóm kdawu lemwà yó kem dou tau ne deng kdawu tmafak yó kem hohon le.

Isaya 59:17

Bè yóm kehewaen kul yó, yó henged oniten, duhen yóm kukum tedeng nwiten. Yó henged sloung tóken, duhen yóm kfasangen lemwà kul. Yó henged nesen, duhen yóm hol óyóen tmóbóng kul ne yóm óyóen meles kul.

Kem Lingón 94:1

Ó Dwata, uu yóm Dwata fen gel meles. Hol hegfanem yóm ktedengem, Dwata yóm Dwata fen gel meles.

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

1 Samwél 25:26

Duhen ni, Sér, Dwata se deng hemseng kóm anì là melesi ne là hnatayem yó kem hohonem. Ne nim udélu ni hlanu bè yóm Dwata là matayen ne taman mowili se kóm, yó kem hohonem ne yó kem tau matul mò sidek béléem, Dwata he hol heskél kul ke Nabal.

1 Samwél 26:10

Tódô tulónu kóm ktahuhen hlanu bè boluy yóm Dwata là matayen, Dwata se angat hmatay du hlanen bè des duhen ke bè gida.