Hibru 10:27 - Udél Dwata: Gna Kesfasad ne Lomi Kesfasad

²⁷ Tek sotu gónón e kól yóm nmò yó, duhen yóm tey klikò tekuy igò tekuy mangat du yóm kkukum Dwata tekuy, ne yóm tey ofi angat gónó le meglà yó kem tau là hdon le ke Dwata.

Hibru 10:27 Referans Kwoze

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 9:27

Laen kô dù tau se ke là suléken du matay, omin Dwata kmukum du.

Matyu 13:50

Yó kmò le yó kem tau sidek nmò le, gotu tudà le lu elem lanaw ofi. Ditu gónó le alì heslaf dmumu mkik, ne sembéhé kakim.”

Matyu 8:29

Timbow ton le Jisas ni kem lewu tau ni, ya tey sidek klangat le, mon le mò du, “Uu se Ngà Dwata. Tedu tô nmoem bélê me ni du? Nam e kendel tô tnafak mi kô gu laanen là deng hto yóm hol bantangem mò du?”

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Sulat Jim 5:3

Ne yó kem filak henyu ye gotu nkê fak. Yóm deng kkéen fak yó mò ilô yóm keseglom ye, ne tey kegtafak ye du. Deng tey bong ne yóm deng sentifun ye bè nim hol són kdaw ni.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Matyu 13:42

Gotu tudà le lu elem lanaw ofi. Ditu gónó le heslaf dmumu mkik, ne sembéhé kakim.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Sifanaya 3:8

Duhen yó, yó bud udél Dwata, monen, “Yó gónóm mon kem dou tau, nangat ye yóm kdawu mdà bè gónô skukum naw e klamo yó kem tau mò sidek bè ket benwu. Yó deng atulu, angat gotu sentifunu lu yóm kdéen benwu talak tonok, anì sulék koku ebélê le yóm sidek kebutu kul. Yóm kebutu kul yó, hol lómón ke ofi angat sulék kenen yóm klamangen.”

Juwél 2:30

Angat tey wen hentaw ton nmou bè longit dalang se dini talak tonok. Angat wen litô ne ofi ton ye, mung du yóm tey kebelen tódô mbob etta.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Isikél 36:5

Ni se udél yóm sana Dwata hol dandónen geta, yó monen, Tey sidek kebutu kul yó kem benwu hmilol kuy, hol néen yóm benwu Idom. Yóm kebutu kul, hol lómón ke ofi gotu kenen kdéen, abay se deng tódô hton le yóm là kadat le do bè yóm deng kled le yóm dou tonok ne tey kehligal le bè yóm kled le du.

Jirimaya 4:4

Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Kem Lingón 21:9

Bè yóm ksutem na a gemlà kul, lómón kmoem kul yóm tey ofi bong. Gotu kenem lu lemwót bè alì kebutem kul.

Dwata 32:43

Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”

Lista 16:35

Omin Dwata hesut yóm tey dilóf ofi ne gotu sulék kenen yóm lewu latu limu folò tau mit insinsu yó koni.

Kun Snulat Luk 23:30

Ke sok deng angat bangen kól du yóm kdaw yó,” monen, “yó angat mon yó kem tau ebè yó kem bulul, ‘Lubék ye kum eta me.’ Ne yó bud mon le, ‘Bnos ye mi.’

Kun Snulat Luk 21:26

Ne angat wen se kem tau tódô leef bè yóm alì sidek klikò le yóm angat sut bè klamangen benwu. Yó gónó le likò abay se là bud glolò le du yóm sana kul lesang yó kem mnóng bè longit.

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kun Snulat Luk 16:24

Ne tmaba ebè Abraham yóm tau tehe wen kendengenen yó, monen, ‘Ó Fù Abraham, hol knoduhem ou. Dókem do edini Lasarus anì nan e hentdak dou él lem baku, bà mon se tey keglayamu bè nim ofi gónóhu nô ni.’

1 Samwél 2:25

Yóm sotu tau ke gemsalà bè dumun tau, gbek Dwata fen kmukum du. Okóm yóm tau ke gemsalà bè Dwata, tau du se kmukum du?” Okóm yó kem ngà Ili logi, là kô hnungol le ke mà le abay se deng eles hendem Dwata ne yóm khatayen kul.

Kun Snulat Jan 5:29

Ne bè yóm khungol le du, gotu le bud hewà gu lem lebeng le. Yó se tau deng tehe mò du yóm hyu, gutahen yóm klowil laen dù sónen. Bud mowil snéen kun yóm tau tehe sidek nmoen, okóm hlós elem tafak.”