Hibru 10:26 - Udél Dwata: Gna Kesfasad ne Lomi Kesfasad

²⁶ Ke deng tngón tekuy yóm ktahuhen lemwót gu bè Dwata, okóm sentahen bè yó tódô henlel tekuy mò du yóm sidek, laen kô dù bud dsù tekuy mò hkó du yó kem salà tekuy.

Hibru 10:26 Referans Kwoze

Kun Snulat Jan 9:41

Bud mon Jisas mò kul, “Ke tahu ye butô, laen kô salà nbô ye. Okóm gel mon ye, ‘Là kô me butô’ yó se gónón wen salà nbô ye.”

Kun Snulat Luk 12:47

Yóm tau ke deng hónô tngónen yóm hmoen du yóm gónóhen mogot ne mom hningayen, là dog nmoen du, angat tey kbougen du yóm gónóhen mogot.

Sulat Jim 4:17

Duhen yó, yóm tau ke deng tngónen yóm hyu, ne là dog nmoen du, yó se baling salaen.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

2 Tisalunika 2:10

Tódô ket du yóm nmoen mò gónón gemsukat yó kem tau angat hlós elem hatay. Yó gónó le angat hlós elem hatay, abay se deng tehe kenbê le yóm hol ktahuhen mò gónó le gewà.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

1 Samwél 2:25

Yóm sotu tau ke gemsalà bè dumun tau, gbek Dwata fen kmukum du. Okóm yóm tau ke gemsalà bè Dwata, tau du se kmukum du?” Okóm yó kem ngà Ili logi, là kô hnungol le ke mà le abay se deng eles hendem Dwata ne yóm khatayen kul.

1 Timuti 2:4

Abay se yó se kun kóyô ke kdéen tau gotu gewà, ne gotu tngón le yóm ktahuhen.