Hibru 10:24 - Udél Dwata: Gna Kesfasad ne Lomi Kesfasad

²⁴ Hol gel hendem tekuy yó kem dumu tekuy ston nawa anì hol tekuy stóbóng mò du yóm kesbong nawa ne yóm kehyu nmò.

Hibru 10:24 Referans Kwoze

1 Tisalunika 5:11

Duhen yó, hol ye gel setgel, ne hol ye gel stóbóng, lómón yóm gel nmò ye nim kmoen ni.

1 Jan 3:18

Ó kem ngà, béen olo són bè sumóng ye yóm kbong nawa ye kem dumu ye. Yake hol hegfan ye bè kmò ye yóm tahu kbong nawa ye kul.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

1 Timuti 6:18

Yó dé hyu ke hol tnóbóng le yó kem dumu le tau. Yóm gel któbóng le kul yó, yó se henged kendengen le. Yake hol tnóbóng le yó kem tau élél.

Hibru 13:3

Bê ye abay klifót tmóbóng kul yó kem dumu ye geblanggù. Hol lómón kegnóm ye du dé, lómón ke yu yóm geblanggù. Ne yó kem dumu ye deng glayam, bê ye abay klifót tmóbóng kul. Hol lómón kegnóm ye du, lómón ke yu yóm deng glayam.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

Kul Nmò 11:29

Yó nmò yó kem tau lemolò ke Jisas bè Antyok, yóm ket kul na sotu, gotu le hemwit yóm kul gbek tóbóng ebè yó kem dumu le hemtahu bè Judiya.

2 Tisalunika 3:9

Yó gónó me mò du nim ni, sundu mon ke laen dù kwalis me mni bélê ye bè yóm ktolok me kuy, bede yó gónó me mò du mò gónó ye mton du anì dnalang ye.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

2 Kurin 9:2

Tngónu yóm tey óyô ye bemlay. Tey kdóyónu kuy bè ni kem tau bè prubinsya Masdunya. Deng gel tulónu kul, yó monu, “Deng nbut le halay gna ne yóm kul keblay yó kem tau hemtahu bè prubinsya Akiya.” Lemwót bè yóm alì kegduf ye bemlay, yó gónón dê tau móyô bemlay bè ni.

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Taytus 2:4

Yó dnalang le bélê le yóm kbong nawa le kem tuha logi le dalang se yó kem ngà le.

1 Kurin 9:22

Ke nóe lem blóng yó kem tau tolo lufi kehtahu le, tódóe hmung bè yóm kul kmò anì wen lanu mit kul bè kehtahu le. Ket tau gel tnulónu, sal gel hnebelu yóm lanu gemwit kul ebè Krays.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 11:4

Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

Kem Lingón 41:1

Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.

Kem Udél Hlalak Tehe Selumun 29:7

Yóm tau tedeng kmoen són sen-galuhen yóm kguta kem tau élél du yóm kukum tedeng, okóm là kun yóm tau gel mò sidek là kô hendemen du yóm kukum tedeng.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.