Hibru 10:23 - Udél Dwata: Gna Kesfasad ne Lomi Kesfasad

²³ Hol bê tekuy abay tnagaw nawa yóm hendón nefet nawa tekuy, yakà deng tehe fasad Dwata du nim ni, ne là kô tenlesen du hendemen.

Hibru 10:23 Referans Kwoze

1 Tisalunika 5:24

Yóm Dwata tehe tmaba kuy ekni, du se mò du bélê ye nim monu ni koni, abay se là kóen monol nawahen ebélê ye se kun.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Deng Hegfan 3:11

Móyóne bud kól ne. Hol ten-gama ye yóm kehtahu ye anì laen dù gemwa du bélê ye yóm kuy ofol.

Sulat Jim 1:6

Syan ke hol hentahuhem yóm kbalà Dwata du yóm hnihem yó, béem abay hegewu nawam. Ke gel megewu nawahen yóm tau, hol lómón yóm lewók mohin, tódô gel gmung glulid bè lenos.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Lanu Jirimaya 3:23

Là gbekem hmingón du yóm tey kteneb Dwata bélê tekuy. Yóm kkoduhen tekuy, ket hlafusen tendo lomi.

2 Kurin 9:13

Bè yóm keblay ye, yó se gónón gfan yóm kehtahu ye ke Krays. Angat tey dê tau dmóyón ke Dwata lemwót bè yóm kimón ye du yóm Tulón Hyu lemwót bè Krays. Dóyón le Dwata snéen bè yóm tey któbóng ye kul, dalang se yó kem dumu tau tnóbóng ye.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.