Hibru 10:22 - Udél Dwata: Gna Kesfasad ne Lomi Kesfasad

²² Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Hibru 10:22 Referans Kwoze

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Ifisus 3:12

Lemwót bè yóm deng kessotu tekuy bè Krays ne bè yóm kehtahu tekuy béléen, là bud tekuy likò ne hloni ebè Dwata ni kmoen ni, deng tey mgel nawa tekuy du ne yóm któbóngen tekuy.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Hibru 9:19

Yóm tanay nmò Musis ekni, gotu senfalahen yó kem hlau Dwata bè yó kem tau. Ne ominen ma yóm litô yó kem safì ne yó kem kambing deng eles hnatay le, ne nbolen él. Ne wen sotu kay hulu nwahen boluyen hisop, benkesen yóm tnikel hulô nmò le gu bè bul ubiha, ominen mdù du lem yóm litô. Gna hentsiken ta yóm bok gónóhen nô yóm hlau Dwata, ominen hetsik du ebè kdéen tau.

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Jirimaya 24:7

Angat wen nawa hyu blayu kul anì hol dilô le ou yóm sana kul Dwata hol gónó mogot. Angat bud lu se dou tau ne bud ou se kul Dwata, abay se hol lemwót bè nawa le yóm bud kesfulék le ebéléu.

Sulat Jim 1:6

Syan ke hol hentahuhem yóm kbalà Dwata du yóm hnihem yó, béem abay hegewu nawam. Ke gel megewu nawahen yóm tau, hol lómón yóm lewók mohin, tódô gel gmung glulid bè lenos.

Kem Udél Hlalak Tehe Selumun 23:26

Ó Man, hol hnungolem o ne hol tenngelem yó kem dou kmò klan mò loloem.

Kem Lingón 119:7

Ke deng dnalangu yó kem hlauhem hono tedeng, yó gónón hol tahu duhen yóm kdóyónu kóm, laen kô dù belenen.

Kem Lingón 51:10

Ó Dwata, suem béléu yóm nawa laen dù belenen. Bud hnomihem dou kehedemu, ne blayem dou yóm là konol nawahu ebéléem.

Hibru 11:28

Bud lemwót bè yóm kehtahuhen, yó gónón tódô mimón yóm sotu hlolò Dwata anì wen yóm Kdaw Khius. Yó hloloen kul, hetsik le bè bak dól le yóm litô yóm ubiha deng hnatay le anì yó, ke sok sut yóm hógów Dwata mit hatay, là hnatayen yó kem ngà le logi twogu bè yó kem tau Israél.

Hibru 10:19

Duhen yó, kem dumuhu setwoli, lemwót bè yóm deng khamà Jisas litóen bè yóm tehe katayen, deng wen lan tekuy ne tódô husek elem tum Dfél gónóhen nô Dwata.

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

Hibru 9:10

Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.

1 Timuti 4:2

Ni kem tolok ni, fen hból yó kem tau hulung mò kéng, tau hulung smukat. Bè yóm deng alì kegedlug tendo kmò le kéng, yó se mit kul là bud dmilô du yóm tahu.

Jirimaya 30:21

Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.

Isaya 52:15

Okóm ni, tey kehtaw le du yó kem tau bè dumu benwu. Tódô le teneng yó kem tau hol geta bélê le, sidek ketnga le. Tódô ton le ne tngón le yóm tehe là deng hnikót tngón le du.”

Kem Lingón 119:145

Hol lemwót lem but blututu yóm ktabahu ebéléem, Dwata, hol bnalaem o. Tendo nimónu yó kem hlauhem.

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

Kul Nmò 8:21

Laen kô dù kóm du yóm kum nmò ni, abay se là tedeng kton Dwata du yóm kehedemem.

Kun Snulat Jan 8:9

Bè yóm kungol le du yóm kbalà Jisas kul yó, tódô le gotu hlana lemwót ket kul na sotu, gna hlana yó kem tuha bélê le. Ngangen tek són Jisas tebel bè yó. Sana kdaen bè yó se yóm libun.

Kem Lingón 119:80

Hyu ke laen dù belenen bè yóm kimónu yó kem hlauhem anì laen dù gónów myak.

Kem Lingón 119:69

Gel tnifù le o kéng yó kem tau heklabak, okóm do, hol lemwót lem but blututu yóm kimónu du yó kem hlauhem.

Kem Lingón 119:58

Hotuhu nawahu mebel kóm. Knoduhem ou lómón yóm deng fasadem.

Kem Lingón 119:34

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.

Kem Lingón 119:10

Béléu do, tódô hotuhu nawahu mò du yóm hmoem do. Hol tnóbóngem ou anì là guléhu du yó kem hlauhem.

Kem Lingón 119:2

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

Kem Lingón 111:1

Hol dóyón tekuy Dwata. Ke gele mung stifun bè yó kem kun tau mò du yóm tedeng, tey khotuhu gelu bemlay slamat ebè Dwata.

Kem Lingón 94:15

Yó kem tau tedeng kmò le, angat bud mulék ebélê le yóm kukum tedeng, ne tódô kdê le gotu lemolò du.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Lingón 32:11

Yu kem tau gulit, hol ye hligal lemwót bè yóm deng nmò Dwata bélê ye. Ne yu kem tau mimón ke Dwata, hol ye hligal mensag.

Kem Lingón 9:1

Ó Dwata, hotuhu nawahu dmóyón kóm. Gotu tulónu yóm kdê tey tennga deng nmoem.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

Hlolò 16:4

Yó bud hlolò Dwata ke Aron gu laan Aron là deng husek elem yóm Dfél hol gónón nô Dwata yó, nan gna dyo ne leseken yóm nes gel lesek yóm tau blóng ebè Dwata, yóm nes tahà ne yóm sewel ukol suen lemen ne hyu hmilet ne mulew, bede hono bukay yóm leseken yó.

Kun Snulat Luk 1:1

Deng dê ne tau hmotu gel le smulat du yóm deng nmò Jisas lem blóng me.

Kul Nmò 22:16

Na,’ monen, ‘béi tlek hanggà. Géhéli hbabtays, ne mnihi bè Dwata anì hol kóhen béléem yó kem salaem.’ ”

Hibru 6:11

Yó hol hesgalu me kuy, yóm ket kuy na sotu, ke hol henlel ye mò du yóm hyu efet kukol towok ye, anì angat ton ye yóm hendón nefet nawa ye.

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.