Hibru 10:20 - Udél Dwata: Gna Kesfasad ne Lomi Kesfasad

²⁰ Deng lenungkà Jisas bélê tekuy yóm lomi lan yó, yóm lan hlowil tekuy. Bè yóm deng khamaen klowilen bélê tekuy, lómón ke deng kentóhen yóm tehe nes seng bè yóm Dfél hol gónóhen nô Dwata.

Hibru 10:20 Referans Kwoze

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Jan 10:9

Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.

Hibru 9:3

Ne yóm gewuhen dfél, yó boluy le du, Dfél gónón nô Dwata. Bede wen tey tilob nes mfól seng bè sóólen.

Hibru 9:8

Wen hetngónen tekuy yóm Tulus Dwata lemwót bè yóm gel nmò le yó. Yó hetngónen tekuy, là kóen na a hnas yóm Dfél gónóhen nô Dwata ke sana tolo knô yóm tanay dfél bè yóm gónô yó.

Hibru 6:19

Yóm hendón nefet nawa monu yó koni, hol lómón ke hihol yóm klowil tekuy. Angat dohò kton tekuy du, abay se deng eles nô ditu Jisas bè yóm hol gónóhen nô Dwata. Yó gónón là megewu nawa tekuy mangat du.

Kun Snulat Jan 10:7

Bud mon Jisas mò kul, “Tódô tulónu kuy ktahuhen, hol lómón ke ou se bak tikeb kukub yó kem ubiha.

1 Jan 4:2

Yó mò ilô ye du ke tahu Tulus Dwata yóm fen malak du yóm tau: Ke hentahuhen yóm deng tehe kehbalingen tau Jisas Krays, du se yóm tau deng nô béléen yóm Tulus Dwata.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Luk 23:45

Uma kóm bè yóm Gónô Dwata, wen tey nes mfól mò seng yóm dfél gónóhen nô Dwata, tódô ton le lómón ke hninggel dnólóhem bè gónón sóól.

Mark 15:38

Uma kóm bè yóm Gónô Dwata, wen tey nes mfól mò seng le yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lenwóten fi ta kól elaan.

Matyu 27:51

Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang.

Hlolò 16:2

“Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.

2 Jan 1:7

Deng tey dê ne yóm tmolok sekban deng sekla bè klamangen benwu. Yó kesekban le, gel henkéng le yóm tehe kehbalingen tau Jisas Krays. Yóm tau tmolok yó, olon tmundug kuy, du se yóm hohon Jisas.

Ifisus 2:15

Gotu kóhen yóm tey dê lolò me mi kem tau Ju anì baling tekuy ssotu, balù yóm kestólóng tekuy tau. Là bud tekuy sfohon ne.

Hlolò 16:15

Kesok deng kmò Aron du yóm yó, ominen hewà nan e hnatay yóm kambing hedsù le du ebè Dwata yó kem tau. Nwahen litô yóm kambing yó ne nwiten elem yóm Dfél hol gónó Dwata nô ne bud hentsiken sulék bè kilil yóm sefeng yóm Slungan Fasad, ne bud hitu duléken hemtsik du bè lówóhen lómón yóm deng gna nmoen bè litô yóm safì tudu kun dsù.