Hibru 1:9 - Udél Dwata: Gna Kesfasad ne Lomi Kesfasad

⁹ Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

Hibru 1:9 Referans Kwoze

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Kem Lingón 23:5

Baluen ke deng le moni yó kem hohonu, mom htonem kul yóm kkayem dou ken. Lómón ke ou yóm tau hol nadatem mauy béléem. Laen selen yóm tey kligalu bè yóm nmoem béléu.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Flipay 2:9

Yó gónóm mon, tey kehegeta Dwata du bè yóm gónón hol geta bè kdéen. Ne tey kehtótólen boluyen, laen kô dù dumu boluy tótól sentahen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Kun Snulat Jan 1:41

Kewót Andru bè yó, nan e kendel tódô hnebel twoguhen Simun, ne tulónen du, monen, “Ó Wog, deng ton me ne yóm Misaya.” (Yó lanen yóm boluy Misaya yó, duhen “Krays.”)

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.

Kem Lingón 33:5

Tey hyu nawa Dwata du yóm nmò tedeng. Là kóen monol yóm kbong nawahen tau, tódô lengeben klamang benwu yóm nawahen yó.

Deng Hegfan 2:15

Lómón ni se yóm gel nmò yó kem tau bélê ye deng lemolò du yóm kul tolok yó kem tau Nikulasya.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.

Kem Lingón 89:26

Yó angat mon Dabid mò dou, ‘Uu se dou Mà, ne uu se yóm dou Dwata. Ne bud uu se yóm gónóhu gel heklung, ne yóm gel lemwà dou.’

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 2:2

Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

Hibru 2:11

Du se gembek hólós tekuy bè yó kem sidek gel nmò tekuy. Ne tekuy se yó kem tau hólósen gbót menmà béléen bè Dwata. Yó se gónó Jisas là kemyak moluy tekuy kem dumuhen setwoli.

Kem Lingón 45:6

Yóm gónóm myón kmamal, laen dù tul sónen yóm deng keblay Dwata du kóm. Tey tedeng yóm kogotem yó kem kóm tau.

Kun Snulat Jan 10:17

Ne bud mon Jisas, “Tey kbong nawa Mà do, abay se tódô lemwót bè dou kóyô hamà du yóm dou klowil bè yó kem tau. Okóm angat bud gutahu snéen yóm hamau bélê le yó.

Kul Nmò 4:26

Gotu le stifun yó kem tau hol geta mogot benwu, ne deng gotu sogot atul le. Tô natù le Dwata, ne tô natù le snéen yóm Misaya.’

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.