Hibru 1:8 - Udél Dwata: Gna Kesfasad ne Lomi Kesfasad

⁸ Okóm tólóng se udél Dwata ebè yóm hol Ngaen. Tehe monen mò du, “Ó Dwata, laen kô dù nan e són yóm kogotem tau. Tey tedeng yóm kogotem kul.

Hibru 1:8 Referans Kwoze

Kun Snulat Jan 10:30

Tódô me ssotu Mà.”

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Kem Lingón 145:13

Laen kô dù tul sónen yóm kkamalem, ne laen kô dù tul sónen snéen yóm kegetahem. Là kô klifót Dwata du yóm kdê tehe fasaden tekuy. Gotu gfan bè kdê yó kem gel nmoen yóm kkoduhen tau.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

1 Kurin 15:25

Bede là tagad nmoen du he yóm yó ke là nan na gotu ndà kul elaan yó kem hmohon du.

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Husiya 1:7

Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”

2 Samwél 23:3

Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,

Kem Lingón 99:4

Uu se yóm Hol Geta laen dù là gbeken du, henlom nawahem yóm tedeng, laen kô dù mtukul nfihem. Sal tedeng yóm gel nmoem bè Israél, ne sal tódô.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Jan 10:33

Bnalà le se, mon le, “Là tnudà me kóm botu bè yó dum kehyu nmoem, okóm bè yóm kehsengedem knóem bè Dwata. Olohem tau hkawang he kóm, tói hbaling Dwata.”

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Jirimaya 38:15

Bnalà Jirimaya se, monen, “Ke tulónu kóm yóm ktahuhen Sér, kaem angat hfatayem ou. Ne ke hnauhu uu, là kô hnungolem do.”

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

Kem Lingón 72:7

Klawihen mowil, yake tendo temnù ktedengen yóm kogoten benwu, ne yake laen dù sónen yóm kehyu klowil yó kem tau knamalen, lómón yóm klaen dù són yóm bulón.

Dwata 7:14

Laen dù tau bè klamangen benwu ke tnóbóng Dwata mkél bè yóm któbóngen kuy. Laen dù bélê ye logi duhen ke libun ke là mngaen, dalang se yó kem ógóf ye laen dù bélê le ke là mngaen.

2 Pitér 1:11

Ne angat tey khódóhen tekuy bè yóm kun benwu nogot yóm gónó tekuy mogot Jisas Krays, yóm tehe lemwà tekuy gu lem hatay. Ne yóm benwu nogoten yó, benwu laen dù tul sónen.

Kun Snulat Luk 1:75

ne anì mólós yóm kmò ktonen tekuy, ne tedeng kmò tekuy efet kól bè kukol towok tekuy.”