Hibru 1:7 - Udél Dwata: Gna Kesfasad ne Lomi Kesfasad

⁷ Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Hibru 1:7 Referans Kwoze

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

2 Bok Kem Tau Hol Geta 6:17

Omin Ilaysa mni bè Dwata, monen, “Ó Dwata, hol htonem bè yóm tau tóbóng lówóhu yó kem mofin kum.” Tahu se, hton Dwata du, ne tódô tonen se yó kem bulul hmilol kul deng tódô tfeng kudà ne klitun tók hono ofi.

2 Bok Kem Tau Hol Geta 2:11

Bè yóm igò le stulón mógów, tódô sut lem blóng le yóm klitun tók hono ofi dyol yó kem kudà hono ofi kmò le. Tódô senkóhen lu yóm lewu le, ne tódô mung bè klifus bong Ilaydya mbatun etta ebè longit.

Sikaraya 6:5

Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Isaya 6:2

Wen kem hógów Dwata mdà gu hilolen hol lómón ke dilóf ofi kmò le. Sket kul na nem hafak le. Yóm lewu hafak le lenimunen uyó le. Ne bud yóm lewu lenimunen ti le. Ne yóm lewu dù hafak le mit kul móyóng.

Tekang Kbuten 3:24

Ne wen kem hógówen gu bè longit hbenteyen bè fi dmata kdaw yóm hungul yó. Wen sudeng sù Dwata bè yó, tódô eles sedlu dilóf bè baken ne tendo hilóy lowi anì laen dù tau gehloni ebè yóm koyu hlowil tau.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.