Hibru 1:5 - Udél Dwata: Gna Kesfasad ne Lomi Kesfasad

⁵ Abay se laen dù bélê le ke mon Dwata mò kul, “Uu yóm hol Ngau. Deng duhen ni ne yóm kdaw kehegfanu du yóm kngau kóm.” Balù sotu bè yó kem hógówen ke wen tulónen gbak ebélê le, ke monen, “Ou se angat Maem, ne uu se angat Ngau.”

Hibru 1:5 Referans Kwoze

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Hibru 5:5

Senged snéen ke Krays, là kô nan e ten-gna mon du, ou dé mò fen blóng tau ebè Dwata. Kaem tódô Dwata yóm fen mélék du, yó monen mò du, “Uu yóm hol Ngau. Deng duhen ni ne yóm kdawu hegfan du yóm hol kngau kóm.”

2 Samwél 7:14

Ou se angat maen, ne du se angat ngau. Ke wen salà nmoen, tnafaku lómón ktafak mà yóm ngaen logi bede hlanu bè yó kem dumu benwu hmilol.

1 Tutul Israél 17:13

Ou se angat maen, ne du se ngau. Là kô kóhu du yóm alì kbong nawahu du, là lómón du yóm tehe kkóhu yóm kbong nawahu ke Sol, botong kóhu anì uu mò tlesen.

1 Tutul Israél 22:10

Du se angat hemdà du yóm dou Gónô mò mit yóm dou boluy. Du se dou ngà, ne ou se kun mà. Ne laen dù sónen yóm tendo kogot le bè Israél yó kem sfuhen.’

1 Tutul Israél 28:6

Yó deng udél Dwata ebéléu, monen, ‘Yó hem ngaem Selumun fen hemdà du yóm dou Gónô ne yó kem sù le bè lósólen, yakà deng néléku du mò ngau, ne ou se mò maen.