Hibru 1:14 - Udél Dwata: Gna Kesfasad ne Lomi Kesfasad

¹⁴ Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 1:14 Referans Kwoze

Kem Lingón 34:7

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Kul Nmò 5:19

Okóm bè yóm kifu yó, wen hógów Dwata gu bè longit sut bélê le bè yó lem blanggù, ne tódô lenungkaen bélê le yóm tikeb blanggù, ne niten lu hewà. Mon yóm hógów Dwata mò kul,

Kul Nmò 12:7

Tódô wen hógów Dwata gu bè longit sut bè yó, ya tey klayagen lem yóm blanggù. Ominen leminggil bemtik ke Pitér, nogoten bè abalen, monen, “Géhéli ne, Pitér, btiki.” Tahu se, btik Pitér. Tódô gotu bkas yó kem kdina fét le bè sigelen.

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Kun Snulat Luk 16:22

Sotu kdaw bè yó, matay yóm tau élél yó. Ne tódô wen hógów Dwata gu bè longit na a mangay du, ne nit le ebè longit klohok Abraham. Kóngen na a matay se kun yóm tau wen kendengenen yó, ne lebeng le.

Kul Nmò 12:23

Tódô sen-gengen se wen hógów Dwata gu bè longit, tódô wen des hegnómen ke Hirod, lanen là madat ke Dwata. Tódô gotu ken kuled tnahihen, ne matay.

Kun Snulat Luk 2:9

Bè yóm kifu ksut Jisas, tódô sut lem blóng le yóm hógów yóm gónó le mogot gu bè longit. Tey kehlayag Dwata du yóm gu hmilol kul, ne ya tey sidek klikò le.

Kun Snulat Luk 2:13

Na, tódô kendel ton yó kem tau semgyok ubiha yóm tey genged hógów Dwata gu bè longit. Ya tey kwen le, semngal le, dóyón le Dwata, mon le,

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Deng Hegfan 5:6

Ominu yó mton yóm Ngà Ubiha mdà bè solu yóm myón bè yóm gónón myón kmamal, ne lem blóng yó kem fat mtulus, ne lem blóng yó kem tau tuha. Okóm bè yóm ktonu du, hol lómón ke deng wen tehe hmatay du. Wen hitu hangahen ne hitu se matahen. Yóm hitu yó, hnigaden yóm hitu kay kfasang yóm Tulus Dwata deng hógówen ebè klamang benwu.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Flipay 2:25

Ne sotuhen, là gbeku du ke là bud huléku ke Ipafruditus edyó, yóm dumu tekuy setwoli tehe dók ye mò tmóbóng dou bè ni. Tey bong któbóngen do, ne ketgelen do bè yóm kmou du yóm hmò Dwata dou bè ni.

2 Kurin 9:12

Là són yó du gónón hyu yóm keblay ye ke mò tmóbóng yó kem tau Dwata. Okóm sotu gónón hyu, angat tey dê tau hol dmóyón ke Dwata.

Sulat Pol Ebè Yó Kem Tau Hemtahu Bè Rom 15:27

Tey kehligal le du snéen nim nmò le ni. Bè ktahuhen, bong knóón se yóm nmò le yó mò balà le yó kem Ju bè yóm deng kgomong le hemtahu bè Dwata. Bong knóón se ke wen kul blay yó kem tau là Ju le lemwót bè yóm kul gónó wen.

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

Kul Nmò 13:2

Sotu kdaw bè yó, fasting le. Bè yóm igò le mni, tódô stulón bélê le yóm Tulus Dwata, monen, “Hetfing ye do Barnabas lewu le Sol. Wen hmou kul.”

Kul Nmò 11:22

Timbow gungol yó kem tau hemtahu bè Jirusalim nim ni, yó gónó le e hógów ke Barnabas etu bè Antyok.

Kun Snulat Luk 1:23

Timbow deng yóm kmoen nmò bè Gónô Dwata, ominen yó he mulék ebè gónóen.

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Hibru 10:11

Yó kem Ju gel demsù ebè Dwata, ket kdaw le mò du yóm kul nmò. Deng hónô solò yóm gel kedsù le, ewenem, là kô gbeken mkó du yó kem salà le.

Hibru 8:6

Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Flipay 2:17

Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

Ifisus 3:6

Ni se hol lemen yóm tehe bunihen yó, duhen yóm kehlan Dwata du bè yóm Tulón Hyu yóm khomongen kuy yu kem tau là Juhen bè yó kem hyu blayen bè yó kem Ju. Deng ye tahu baling kun fes lówó Dwata snéen kuy, ne wen kuy du snéen yóm tehe fasad Dwata bè yó kem Ju hlanen bè Krays Jisas.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Glasya 3:9

Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Glasya 3:7

Yó gónóm mon, yó kem tau hemtahu, lómón ke lu yóm hol semfu gu bè Abraham.

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Kul Nmò 16:26

Yóm igò le semngal, tódô mbel yóm tey linol bong. Tódô msinsig yóm blanggù gónó le nô, tódô gotu lemungkà yó kem tikeben ne tódô gotu bkas snéen yó kem kdina fét le yó kem tau bnanggù.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Tekang Kbuten 32:24

Bede fen tebel fatu kun tek sotuhen. Yóm knô Jakub bè yó, tódô wen tau sut béléen na a mit du sbunù. Ngang le sbunù efet móyón mwas.

Matyu 4:11

Tahu se, tódô tnagak Seitan Jisas, ne sen-gengen se wen hógów Dwata gu bè longit gdek bè yó mò tmóbóng du.

Mark 10:17

Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.