Hibru 1:12 - Udél Dwata: Gna Kesfasad ne Lomi Kesfasad

¹² Angat tódô lenfiem, ne tlesem du yóm lomi. Okóm yó dum kóm, là kóen megetles, ne laen kô nam e són.”

Hibru 1:12 Referans Kwoze

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Kun Snulat Jan 8:58

Ne mon Jisas se mò kul, “Tódô tulónu kuy ktahuhen, gu laan Abraham là deng sut, deng sana kem yó ne dou.”

Kem Lingón 90:4

Yóm lemibu halay béléem kóm, Dwata, lómón ke tek sendaw, lómón yóm ekimel deng sana miwes, ne lómón yóm sotu uras kifu là kóen legen.

Kehewà 3:14

Mon Dwata se, “Yó monem mò kul, ‘Ou se yóm sana Dwata laen kô dù buten ne laen se kô dù tul sónen.’ Hol tulónem kul ou se yóm sana Dwata, yóm hógów kóm ebélê le ni.