Hibru 1:10 - Udél Dwata: Gna Kesfasad ne Lomi Kesfasad

¹⁰ Sotu tehe bud udél Dwata ebéléen, monen, “Bè yóm tehe tekang kbuten, Dwata, uu se tehe dmimun du klamangen tonok, ne tehe kóm lan tdok yóm longit.

Hibru 1:10 Referans Kwoze

Tekang Kbuten 1:1

Bè yóm hol tekang kbuten, dlimun Dwata longit ne tonok.

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Kem Udél Hlalak Tehe Selumun 8:29

Ne bude se nô bè yó bè yóm koluhen kem él mohin, yóm kmonen du hol bê le nulé yóm bengelen du. Ne bude se nô bè yó bè yóm kehbegelen yóm klamangen tonok.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Kem Lingón 19:1

Tódô dilô bè kdéen ton bè longit yóm kegeta Dwata. Tey mtukul kegfanen yóm deng gendeng Dwata.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Isaya 40:12

Wen kô gembek bemtes du yóm él mohin ke tô hlanen bè ksakuben du hólól? Wen kô gembek bemtes yóm longit mlan bè kdangawen du? Wen kô temngón du keblaten yóm tonok bè klamangen benwu? Duhen ke gembek tmimbang yó kem bulul ne yó kem bulul lemnek?

Hibru 12:27

Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.