Hbakuk 3:8 - Udél Dwata: Gna Kesfasad ne Lomi Kesfasad

⁸ Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.

Hbakuk 3:8 Referans Kwoze

Kem Lingón 68:17

Kewót Dwata bè Bulul Sinay, mung du yó kem klitun tók là bud gsóhem du hilu libuhen, tódô hlós ebè yóm kun Gónô bè Bulul Sayun.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Kem Lingón 114:5

Moen de, Mohin Hulô, ke hetlasiki mdó bè lan le? Moen de kóm du, Él Jurdan, ke teflok yóm klelem?

Kem Lingón 114:3

Tikóng ton Mohin Hulô lu, tódô hetlasik mdó bè lan le yóm mohin yó. Dalang se yóm Él Jurdan, tódô teflok yóm tbulen.

Kem Lingón 18:10

Wen sotu hógówen alì kemgis snakayen boluyen sirubim. Móyóng, ne tey kehlóngen mung bè balu lenos.

Mark 4:39

Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

Hbakuk 3:15

Tódô gotu hsóyówem yó kem kudaem yóm mohin ne tódô gotu setbulù yóm tey él nelem.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Kem Lingón 104:3

Ne deng hdaem gónóem ta yóm él tofi ta longit. Yó muhem yóm lobun mò klitun gónóm myón, ne lenos fen demyol du.

Kem Lingón 68:4

Semngal tekuy ebè Dwata, sngal tekuy yó kem sngal dmóyón yóm kun boluy. Hol dóyón tekuy yóm myón smakay lobun. Dwata se boluyen. Hol tekuy hligal bè soluhen.

Deng Hegfan 19:14

Ne gotu le huli du yóm kdéen sendalù bè longit. Gotu le smakay kudà bukay snéen kul, ne gotu le mnes bukay, yóm nes mólós.

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

Deng Hegfan 16:12

Ne lemwót yóm gnem hógów Dwata, koken se kun tukung bè yóm tey él bong boluyen Yufratis. Botong kti yóm él bong yó anì wen lan le mifal du yó kem tau hol geta lemwót fi gu dmata kdaw.

Deng Hegfan 6:2

Tahu se. Wen kudà bukay tonu, ne wen tau smakay tahen kmulóng boho. Wen kuruna blay le du, ne ominen yó tódô lemwót mit sfatay bè yó kem hohonen, bede laen kô dù gmò le béléen.

Kem Lingón 45:4

Mlan bè kegetahem, kmudai mit kegmò. Nfihem yóm ktahuhen ne yóm kukum tedeng. Sigel kwananem mò du yó kem hentaw ton.

Kehewà 7:20

Tahu se, hayahen bè yó, nmò Musis ne Aron yóm deng hmò Dwata kul yó. Tayal Aron bè solu Faro ne yó kem genlalen yóm tugeden ne fesen bè yóm él mlel bè yó ne tódô baling litô yóm él yó.

Kehewà 7:19

Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kem Lingón 77:16

Bè yóm tehe ktonen kóm yóm Mohin Hulô, Dwata, ya tey sidek klikoen, botong meningkil. Botong megsinsig bè yóm hol huheden lemwót bè klikoen.