Hbakuk 3:7 - Udél Dwata: Gna Kesfasad ne Lomi Kesfasad

⁷ Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.

Hbakuk 3:7 Referans Kwoze

Juswa 9:24

Bnalà le Juswa, mon le, “Yó gónó me mò du, Sér, abay se likò me matay. Deng gungol me yóm kdóken ke Musis yóm sana kuy Dwata hol gónó mogot anì nwahen nim klamang tonok ni ne gotu hfatayen yóm kdê tau menwu tahen. Tey sidek klikò me kuy, yó gónó me mò du nim ni.

Juswa 2:10

Deng gungol me yóm kmò kehektihen du bélê ye yóm sana kuy Dwata yóm Mohin Hulô bè yóm ktagak ye yóm benwu Idyip. Bud gungol me snéen yóm kmò khatay ye ke Sihun ne Ug yóm lewu kem tau hol geta Amurayt menwu fi dmata kdaw Él Jurdan, hono kem tau deng gotu genlà ye.

Kmukum 8:12

Lemwót yóm lewu kem tau hol geta bè Midyan le Siba lewu le Salmuna gotu le mlóy, okóm ktes Gidyun lu ne gekfóen lu. Bè yóm kekfóen kul, gotu le sekla yó kem sendalù mung yóm lewu kem tau hol geta yó lemwót bè yóm tey klangaf le.

Kehewà 2:15

Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô. Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le.