Hbakuk 3:6 - Udél Dwata: Gna Kesfasad ne Lomi Kesfasad

⁶ Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Hbakuk 3:6 Referans Kwoze

Tekang Kbuten 49:26

Yóm tehe któbóng Dwata dou, hol bong senta yóm tóbóng tehe tonu lemwót bè yó kem bulul legen ne lemwót bè yó kem bulul lemnek deng legen. Ni kem tóbóng Dwata ni, hol dohò eta Jusif he yóm tau deng htólóng Dwata bè yó kem dumuhen setwoli.

Nahum 1:5

Botong megsinsig yó kem bulul bè soluhen ne gotu le mnà yó kem bulul lemnek. Dalang se yóm klamang benwu gotu leminol ne gotu le matay yó kem tauhen.

Dwata 33:15

Hol tódô tfeng koyu mungu he yó kem sana bulul legen le, yóm bungu koyu alì megélék.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Kem Lingón 68:16

Ó bulul alì temfusù, moen du ke nélés nawa ye yóm Bulul Sayun, yóm bulul deng nélék Dwata mò hol gónón nô, laen kô dù tul sónen yóm knóen du.

Kmukum 5:5

Gotu megsinsig yó kem bulul bè yóm kkól Dwata. Balù Bulul Sinay, botong megsinsig se kun bè yóm kkól Dwata, yóm sana kut Dwata hol gónó mogot, yóm Dwata yó kem tau Israél.

Dwata 32:8

Yó nmò yóm Dwata hol geta bè kdéen, wen mdengen benwu blayen bè ket bung tau talak tonok. Tódô eles hendemen yóm knóón bang gónó le nô yóm kdê le. Eles hendemen se yóm benwu geblà bè yóm kwen yó kem tau Israél.

Kehewà 15:17

Nwitem lu ebè yóm kóm tonok, hol lómón ke huluhem lu bè yóm kóm bulul, yóm benwu deng nélékem mò hol kóm gónô nô, Dwata, yóm benwu mò gónóm hemdà yóm kóm Gónô.

Kem Lingón 35:5

Hol nyufem lu mayuk lómón ubek mung holis bè lenos. Yóm lenos hmolis kul yó, hwit yóm hógów Dwata.

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Kehewà 15:14

Nim nmoem ni, Dwata, deng gungol yó kem dumu benwu ne tey klikò le, botong setbol kkel le. Deng gefet bè yó kem tau Flistin yóm klikò yó.

Kehewà 15:15

Ne tey sidek klikò le se kul yó kem tau mogot bè Idom. Ne yó kem tau alì lóbô bè Muab tey kkel le. Ne yó kem tau menwu bè Kanan laen dù bud klóbô le.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kem Lingón 97:5

Gotu le mnò bè soluhen yó kem bulul, lómón knò tolu. Mnò le bè solu yóm Dwata bè klamangen benwu.

Kem Lingón 104:32

Balù tek olon hménég du he yóm tonok, tódô megsinsig. Ke nduen yóm bulul, tódô semfut kebelen.