Hbakuk 3:4 - Udél Dwata: Gna Kesfasad ne Lomi Kesfasad

⁴ Yóm tey keslinangen hol lómón keslinang kdaw. Tódô senflósen smilà gu lem hólólen, yóm gónón hol nô yóm tey kfasangen.

Hbakuk 3:4 Referans Kwoze

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Kehewà 14:20

tódô nô bè gónón sóól bè yó kem tau Idyip ne bè yó kem tau Israél. Yóm lobun bè blóng le yó baling kifu mget bè yó kem tau Idyip okóm fen baling layag bè yó kem tau Israél. Yó se gónó le là gehloni ebélê le suloyen buteng yó kem sendalù Idyip kemtes kul abay se wen yóm tey lobun nô lem blóng le.

Deng Hegfan 22:5

Laen kô dù kifuhen yóm benwu yó, ne laen se kô dù bud muhen ne yó kem nóng solok duhen ke nóng kdaw, abay se yóm Dwata gónó le mogot seflós mò layag le. Ne angat wen hogot Dwata kul, ne laen kô dù sónen yóm kogot le du.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Nihimaya 9:12

Yó kem tauhem yó, wen lobun htukóem gna kul ke kemdaw mò gónó le galak ne ke kifu wen ofi mò hlayag lan le.

Kehewà 13:21

Nim kógów le ni, ke kemdaw wen lobun tmahà gónón nô Dwata tendo tukô gna kul mò gónó le temngón du yóm lan lolò le. Ne ke kifu, baling ofi yóm lobun yó. Yó se gónón nô Dwata tendo tukô gna kul mò layag le anì gbek le mógów kifu ne kemdaw.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Kem Lingón 18:12

Ya tey keslinangen, tódô sut gu lem yó kem lobun. Hkulónen bulók kulón, mung du bala ofi.

Isikél 1:27

Yóm tau myón tahen yó, lenwóten bè ówóken kól eta hol lómón keslinangen yóm tembaga sminang mélél deng hló, lómón dilóf ofi kmoen. Ne bud lenwóten bè ówóken kól elaan tey sminang knóón hol lómón ke dilóf ofi.