Hbakuk 3:3 - Udél Dwata: Gna Kesfasad ne Lomi Kesfasad

³ Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.

Hbakuk 3:3 Referans Kwoze

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Ubadaya 1:9

Ne angat tey sidek klikò yó kem sendalù ye bè Timan deng alì layam bè sfatay. Yó nmò yó kem hohon le, gotu hnatay le lu sudeng yóm kdéen tau bè yó bè bulul Idom.”

Amus 1:12

Yó gónóm mon angat wen tey ofi hwitu ebè syudad Timan ne gotu kenen yóm gónó gel heklung bè syudad Busra.”

Kem Lingón 4:4

Béi hegsalà mlan bè kebutem. Nahem gel hendem suloy buteng, béi tagad mudél.

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Kem Lingón 68:17

Kewót Dwata bè Bulul Sinay, mung du yó kem klitun tók là bud gsóhem du hilu libuhen, tódô hlós ebè yóm kun Gónô bè Bulul Sayun.

Dwata 5:24

ne mon le mò dou, ‘Deng hton Dwata kum, yóm sana kut Dwata hol gónó mogot, yóm tey keslinangen ne yóm tey kegetahen bè yóm kungol me du yóm udélen gu lem yóm dilóf ofi. Deng tngón me kemdaw ni gbek tau mowil anien ke deng mudél ebéléen Dwata.

Tekang Kbuten 21:21

Ngangen ne efet hyehen yéen bè yóm sotu ngà libun Idyip.

Isaya 64:3

Lómón yó se yóm tehe nmoem ekni, tódói sut lem blóng me ne tey tehe sidek knikò yóm hetnga nmoem. Gbót le likò se kul yó kem bulul, gotu le megsinsig.

Kem Lingón 48:10

Botong gefet bè són tonok yóm tendo kdóyón le kóm yó kem tau, dalang se któtól yóm boluyem, botong gefet bè klamangen benwu. Yóm sigel kwananem tendo mit kegmò.

Kem Lingón 9:20

Heslafem lu bè klikò le, Dwata. Hegnómem kul olo le tau tonok se kul.

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

Kem Lingón 3:4

Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.

Kem Lingón 3:2

Tey kwen le mudél etahu, mon le, “Là kô lenwà Dwata du yóm tau yó.”

1 Samwél 25:1

Omin Samwél matay ne tódô kdéen tau Israél gotu stifun lemangag du ne lebeng le bè benwuhen bè Rama bè klohok gónóen. Kewót Dabid bè yó, bud mosol ebè yóm benwu laen hol wen tauhen boluyen Maun.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Tekang Kbuten 36:11

Mngà logi Ilifas, duhen Timan ne Umar ne Sifu ne Gatam ne Kinas.

Kem Lingón 113:4

Yakà Dwata se hol geta senta yóm kdéen benwu, yóm tey keklóónen hol mkay senta kegeta yó kem longit.

Kem Lingón 148:13

Yake tódô kdê le gotu dmóyón du yóm boluy Dwata, yóm Dwata gónó tekuy mogot. Laen kô dù dumu boluy geta sentahen. Yóm kegetahen, hol geta senta tonok, ne hol geta senta longit.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

1 Bok Kem Tau Hol Geta 11:18

Mlóy le lemwót bè yó bè Midyan, mógów le etu bè Paran, ne wen kem dumu tau mung kul etu bè Idyip na le e mógów ebè Faro yóm tau hol geta bè Idyip. Botong wen tonok blayen ke Hadad, ne wen gónóen, ne du temdof kul ken.

Hbakuk 2:14

Okóm angat wen kdawen tódô kdéen tau talak tonok angat gotu temngón du yóm tey kun keklóón Dwata. Yóm ketngón le du yó, tódô lenngeben klamangen tonok lómón mohin, tódô lengeb él.