Hbakuk 3:19 - Udél Dwata: Gna Kesfasad ne Lomi Kesfasad

¹⁹ Tendo hekgisen o yóm Dwata hol dandónen geta. Là bude tlokob, lómón yóm là ketlokob yó kem uhu ke mlóy le. Là kóe tlokob baluen ke mlane gu lem bulul. (Yóm tau gel malak sngal, yake hmung le bè yóm gel kenbit le yóm klingón le du nim ni.)

Hbakuk 3:19 Referans Kwoze

2 Samwél 22:34

Tey kehekgisem yó kem tihu, lómón kgis ti uhu, ne yó gónóhu gembek mlan gu ta yó kem tfusù bulul.

Kem Lingón 18:33

Tey kehekgisen yó kem tihu lómón kgis ti uhu, ne yó gónóhu gembek mlan ta yó kem tfusù bulul.

Flipay 4:13

Laen dù là gbeku du lemwót bè yóm kfasang Krays béléu.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Isaya 58:14

Ke yó se nmò ye, angat ton ye yóm kligal lemwót bè yóm kimón ye dou. Lemwót béléu angat gónó le madat kuy yó kem tau bè klamangen benwu ne angat tey kehyu nawa ye du yóm tonok tehe blayu yóm fù ye Jakub. Ou se yóm Dwata hol gónó mogot mudél du nim ni.”

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Kulasi 1:11

Dwata he hol temgel nawa ye lemwót bè yóm tey kegbeken bélê ye anì gbek ye hembala du balù kihu sut bélê ye, mlan bè yóm khanay nawa ye. Lemwót bè kligal ye tódô senflós ye dmóyón ke Dwata. Yakà deng henbalingen yu kem kun tau anì wen kuy du tu kem deng tgamahen bè kun tau ditu bè longit bè yóm tey benwu lemayag nogoten.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Sikaraya 10:12

Bud ten-gelu lu yó kem dou tau lemwót bè yóm ksalig le do ne ket nmò le sal hlan le bè dou boluy. Ou se Dwata yóm mudél ni.” Là gomongen bè nili yóm tsaptér 11. Yó eles htulón Dwata ke Sikaraya bè yóm tsaptér ni yóm angat keglaen yóm benwu Israél ne yó kem tau malak bè yó. Yó tulónen bè ni yóm kehmò Dwata du ke Sikaraya yóm nmò yóm tau hyu kesegyoken yó kem ubiha móyón hnatay le. Wen lewu tuged tau semgyok ubiha nô bè Sikaraya. Yó boluy yóm sotu, Nawa Dwata, hnigaden yóm kbong nawa Dwata yó kem tau Israél. Ne yóm sotu tuged boluyen Sesotu, hnigaden yóm kessotu yóm lewu kem benwu duhen Juda ne Israél. Okóm yó kem tau, deng mom kenbê le yóm tau hyu kesegyoken ubiha yó. Yóm nmò le yó, hnigaden yóm angat kekbê le ke Jisas Krays. Omin Dwata bud hmò du ke Sikaraya yóm kun nmò yóm tau alì sidek kesegyoken ubiha angat gdek lem blóng le elem hulin kdaw mò gemlà kul. Nim ni, là tagaden gotu dohò efet kól yóm tau bnoluy le Hohon Krays.

Kem Lingón 18:1

Ó Dwata, tey kbong nawaw kóm. Uu yóm gel hekgis dou.

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.

Kem Lingón 54:1

Ó Dwata, hol lenwaem ou mlan bè boluyem. Hol hegfanem yóm klaen dù salau hlanem bè kegbekem.

Kem Lingón 18:32

Du se yóm Dwata tendo hekgis dou, ne tendo mentey dou bè lanu anì laen dù hemenu.

Isikél 36:2

Ni se udél yóm sana Dwata hol dandónen geta, monen, Yó udél le heklabak yó kem hohon ye, mon le, ‘Wóyón dé, deng tekuy funen ne yó kem bulul legen bè Israél.’

Kem Lingón 18:34

Toloken ou bè gida anì gbeku bemtul yóm boho nmò le bè tembaga.