Hbakuk 3:17 - Udél Dwata: Gna Kesfasad ne Lomi Kesfasad

¹⁷ Baluen he ke là bud le mulók yó kem koyu fig ne là bud le mungu yó kem grép ne baluen ke là bud le mungu yó kem koyu ulib ne là bud wen hulu yó kem dnadu ne baluen ke gotu le matay yó kem ubiha ne laen dù bud safì tonem bè yóm gónó le hemsù kul,

Hbakuk 3:17 Referans Kwoze

2 Kurin 4:8

Tey keglayam là skas nim tendo kum keglayam, okóm là kô gwiten kum. Wen se kdawen là kô tngón me du lan me gewà, okóm là kóen na a lebà nawa me du.

2 Kurin 4:9

Tey dê tau gel hmohon kum, okóm sal gel wen wè me. Wen se kdawen tey kehsidek le kum, okóm là kô hatay me du.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Malakay 3:11

Ke yó nmò ye, angat tey kbungu yó kem hulu ye abay se hensengu yó kem kuled hemsidek du. Ne yó kem grép hulu ye, là kóen skas tendo kbungu le,” udél yóm Dwata laen dù là gbeken du.