Hbakuk 3:13 - Udél Dwata: Gna Kesfasad ne Lomi Kesfasad

¹³ Yó gónóm hesut nam e lenwà yó kem kóm tau, nam e lenwà yó kem tau deng nélékem. Botong bentuem kulu yóm tau malak gel mò sidek ne sulék genlaem yóm tau lemolò du.

Hbakuk 3:13 Referans Kwoze

Kem Lingón 110:6

Gotu tnafaken yó kem tau bè yó kem benwu, ne tey dê tau hnatayen. Gotu genlaen yó kem malak bè klamangen benwu.

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Kem Lingón 105:26

Okóm hógów Dwata Musis ebè Idyip yóm tau tóbóng lówóhen, mò lemwà yó kem tauhen bè yó. Hmungen du Aron yóm sotu tau deng néléken.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Kem Lingón 68:7

Ó Dwata, bè yóm tehe kalakem yó kem kóm tau gu bè Idyip, bè yóm kehlalakem kul bè yóm benwu laen hol wen tauhen,

Kem Lingón 28:8

Yóm Dwata, gel nofinen yó kem kun tau, ne gel hatuen yóm tau hol geta deng kun nélék.

Kem Lingón 20:6

Yóm tau hol geta deng nélék Dwata, tngónu sal gel hegmoen bè yó kem hohonen. Ditu bè kun benwu bè longit gónón lemwót tmóbóng du. Lemwót bè kun kfasang Dwata gónón gemmò bè yó kem hohonen.

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.

Isaya 63:11

Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?

2 Samwél 5:20

Tahu se, kewót le Dabid bè yó mógów le ebè Baal-pirasim, ne bè yó gónó le gemmò bè yó kem Flistin. Yó udél Dabid, monen, “Dwata se deng mò du nim ni. Yóm kmoen kul hol lómón ke mekto hesloben kul yóm tey dunuk.” Duhen yó, yó gónó le moluy du Baal-pirasim yóm benwu yó. (Yó lanen, “heslob Dwata kul.”)

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Isaya 64:1

Ó Dwata, moen de ke là tódô kenséem du yóm longit anì mnauli elaan? Ke yó se nmoem, gotu ton le u yó kem bulul ne tódô le megsinsig lemwót bè klikò le.

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.