Hbakuk 3:10 - Udél Dwata: Gna Kesfasad ne Lomi Kesfasad

¹⁰ Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Hbakuk 3:10 Referans Kwoze

Hibru 11:29

Bè yóm tehe klóy le gu bè Idyip yó kem tau Israél, lemwót bè yóm kehtahu le bè Dwata gónó le gemgifal du yóm Mohin Hulô, hol lómón ke tahu lan yóm lolò le. Okóm yóm kul klan lemen yó kem tau Idyip kemtes kul, deng le mom gotu lemneb lan Dwata bud hulék du yóm él sbusung.

Kem Lingón 93:3

Tey lemwók yóm mohin bong, Dwata, ne tey sidek lungkul lewóken.

Matyu 27:51

Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang.

Isaya 43:20

Balù yó kem ógóf mayal nô bè yó, angat gbót nadat le ou. Dóyón le ou lemwót bè yóm él hlelu bè yó, yóm él mò gónó le minum yó kem dou tau deng nélék.

Juswa 4:18

Bè yóm khotun le ete kembu, tódô bud mulék se lel yóm él ne sana tolo kdunuken.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Deng Hegfan 16:12

Ne lemwót yóm gnem hógów Dwata, koken se kun tukung bè yóm tey él bong boluyen Yufratis. Botong kti yóm él bong yó anì wen lan le mifal du yó kem tau hol geta lemwót fi gu dmata kdaw.

Deng Hegfan 6:14

Ne tódô lana yóm longit, hol lómón yóm sulat lenulun. Ne tódô le gotu lana bè sana kul gónó gel nô yó kem bulul ne yó kem hungul te mohin, là kô bud tonem kul ne.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Nahum 1:5

Botong megsinsig yó kem bulul bè soluhen ne gotu le mnà yó kem bulul lemnek. Dalang se yóm klamang benwu gotu leminol ne gotu le matay yó kem tauhen.

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Isaya 55:12

Angat tey kligal ye bè yóm kehewà ye gu bè Babilun. Ne tey kenek nawa ye bè yóm kwit le kuy hewà. Balù yó kem bulul ne yó kem bulul lemnek, gotu le hligal semngal. Ne yó kem koyu, gotu le hligal mensag se kul.

Kem Lingón 66:6

Deng wen lan nmoen hlalak lem Mohin Hulô, omin le mifal du yó kem kun tau. Géhél ye dé, hol hnigal tekuy yóm Dwata gembek mò du nim ni.

Kem Lingón 65:13

Tey ubiha wen mótób bè yó, ne tódô hono halay yóm datalen. Yóm kdéen ton, hol lómón ke gotu le mensag ne semngal lemwót bè kligal le.

Kem Lingón 18:15

Lemwót bè kbólówem yó kem hohonem, Dwata, bè yóm tey kehtéem kul, botong gfan sokol mohin dalang se tud blóngón tonok.

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Matyu 8:24

Bè yóm igò le mówóng talak lanaw, tódô mbel yóm tey lenos bong, ne botong tô glimun lewók yóm ówóng le. Okóm ke Jisas kun, deng mom fen tungô.

Kem Lingón 104:32

Balù tek olon hménég du he yóm tonok, tódô megsinsig. Ke nduen yóm bulul, tódô semfut kebelen.

Kem Lingón 148:7

Hol dóyón ye Dwata se kuy, yu yem kdéen nô te tonok. Gomong yó kem blol lembang nô lem yóm tey mohin nelem, hol gel dóyón ye Dwata.