Hbakuk 2:8 - Udél Dwata: Gna Kesfasad ne Lomi Kesfasad

⁸ Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Hbakuk 2:8 Referans Kwoze

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Hbakuk 2:17

Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Sikaraya 14:12

Wen des mit hatay angat heglumfak Dwata ebè yó kem tau bè yó kem benwu mit sgida bè benwu Jirusalim. Yóm igò le tolo mowil, tódô gotu lemdak lówó le dalang se mata le ne dilak le.

Sikaraya 1:15

Okóm yó du kem tólóng benwu laen dù hemen le ne menek kbenwu le, tey kebutu kul. Yóm kebutu yó kem dou tau, olon udì. Okóm yó du kem tólóng benwu, tey gulé ktafak le kul.

Hbakuk 2:10

Okóm lemwót bè yóm deng kbonok ye, deng henyak ye knô ye ne deng genbà ye ktau ye.

Jirimaya 30:16

Okóm bè yóm kdaw kwitu kuy semfulék yó, kdê yó kem tau gemlà kuy bud wen gemlà kul se kul. Kdê yó kem hohon ye bud wen se megef kul. Kdê yó kem tau muku kimu ye, bud wen se muku kimu bélê le. Kdê yó kem tau mundug kuy, bud wen se mundug kul.

Isaya 33:4

Gotu kendel nuku me yó kem kimu gtebel le.

Kem Lingón 137:8

Ne bud uu se, benwu Babilun, angat wen he tau gembà kóm se kóm. Hligal yóm tau bud mò du bélê ye yóm tehe nmò ye bélê me.

Amus 3:10

Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.

Ubadaya 1:15

Yó udél yóm Dwata hol gónó mogot ebè yó kem tau Idom, monen, “Deng moni ne yóm dou kdaw kkukum yóm kdéen benwu là mimón do. Yóm deng nmò ye bè yó kem tau Israél, yó se bud nmou bélê ye. Angat bud huléku eta ye kdê yó kem sidek deng nmò ye bélê le.

Kem Udél Hlalak Tehe Selumun 22:23

Yakà Dwata du mdà du béléen yóm kun sentulón ne hensideken klowil yóm tau hemsidek yóm tau élél.