Hbakuk 2:6 - Udél Dwata: Gna Kesfasad ne Lomi Kesfasad

⁶ Okóm angat kól yóm kdawen tey sidek udél le ebélê le yó kem tau tehe negef le yó, mon le mò kul, ‘Hatay ye kuy kem tau ma yóm sundu kul du. Hatay ye kuy kem tau wen kendengen ye lemwót bè kgaga ye yó kem tau mutóng bélê ye. Kegenen de tendo bud kmò ye du yóm yó?’

Hbakuk 2:6 Referans Kwoze

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Jirimaya 29:22

Yóm katay le yó mò angat gel sentulón tau elem hulin kdaw, anì yó ke tô henmulaen kem dumun yóm sotu tau deng negef le, yó angat monen, ‘Hol angat nmò Dwata béléem he yóm tehe nmoen bè le Sidikaya ne Ahab, kem tau tehe dnutung Nibukadnisar matak.’

Lista 23:7

Yó udél htugod Dwata ke Balaam, monen, “Yó hfangay do lemwót bè Sirya, gu bè yó kem bulul fi dmata kdaw duhen Balak yóm tau hol geta bè Muab. Yó tinoken ebéléu, monen, ‘Nam mógów do edini, nam mudél do. Henmulaem lu do yó kem tau Israél.’

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Hbakuk 2:13

Yóm tey kliteg le yó kem tau hefdà du yóm benwu yó, okóm wen dumu benwu angat bud gmida du gotu ntem le, gotu baling kohù yóm kdéen. Tey kehmò le du, okóm laen kô dù uléken. Yó se deng fasad yóm Dwata laen dù là gbeken du.

Hbakuk 1:15

Tódô me kem téwéng ne kô bè dulé kem hohon me, gedyol elem huket le igò le fen alì hligal se kul?

Isaya 55:2

Moen ke gotu namà ye filak ye bè yóm gónón là gsengel nawa ye? Moen ke gotu namà ye sukéy ye ne deng ye mom bud mulék bitil sentahen? Ni hol hnungol ye ou ne hol nimón ye yóm monu. Nénég ye ke là wen kligal ye mken du yóm ken hol hyu bè kdéen.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Kem Udél Hlalak Tehe Selumun 22:16

Yóm tau lenugihen yóm tau élél anì temnù kendengenen, baling élél. Senged se kbalingen élél ke bemlay bè yóm tau mdengen.

Kem Lingón 94:3

Kmò kegenen de, Dwata? Kmò kegenen de yóm alì kehegmón le yó kem tau gel mò sidek?

Lista 23:18

Yó htugod Dwata ke Balaam, monen, “Hlonihi edini, Balak yóm ngà Sipur. Hol hnungolem yóm tulónu kóm.

Isaya 10:13

Yó bud udélen heklabak yóm tau hol geta bè yóm benwu Asirya, monen, “Tek són ou se mò du yóm kdéen ni. Teye kemgis yóm ou ne teye temngón ne teye hulung mò atul. Deng gotu gwahu ne yó kem dumu benwu, laen kô dù bud mdengen blóng le ne deng gotu dou kdéen. Deng gotu gwahu yó kem deng tô sentifun le mò lowil le. Lómón ke ou yóm safì tudu deng gotu ndau lu laan yó kem tau menwu bè yó.

Hbakuk 2:12

Hatay ye se kuy kem tau hefdà yóm syudad mlan bè yóm filak lemwót bè gel kbonok ye ne lemwót bè yóm gel kmò ye sidek.

Jirimaya 17:11

Yóm tau fmilak mlan bè là ktedengen, hol mkél bè yóm onuk koyu nlonen yóm là kun ngà lenbotù du, là legenen béléen yó kem ngaen yó. Bud là legenen bè yóm tau yóm kendengenen mlan bè yóm là ktedengen, tódô kendel lana. Ne ke deng tuha bud mulék élél, gfan yóm kungelen.