Hbakuk 2:5 - Udél Dwata: Gna Kesfasad ne Lomi Kesfasad

⁵ Hol gónó gtundug yóm kendengen tau ne yó kem tau heklabak laen dù kenek nawa le, mkél le bè hatay laen kô dù gónón gsengel nawa le. Tendo mled benwu seflós mò nfun le ne negef le yó kem tauhen.

Hbakuk 2:5 Referans Kwoze

Kem Udél Hlalak Tehe Selumun 27:20

Laen kô tul kengeben yóm benwu yó kem matay lómón se yó nem knóyô tau laen kô tul ktakasen du.

Kem Udél Hlalak Tehe Selumun 20:1

Yóm kesedekà ne kehfulów tau lemwót bè yóm tifas ne kem ninum lóbô ne yóm tau lengel du là kóen hulung hedem.

Isaya 2:17

Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.

Kem Lingón 138:6

Balù yóm tey kegetahen yóm Dwata, ewenem sal gel sen-gifaen yó kem tau hulung heglaan, okóm hlayuk bè yó kem tau heklabak.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

1 Tisalunika 4:11

Hol nmò ye dé yóm nmò mò gónón menek klowil ye, ne bê ye snolò yóm nmò yó kem dumu ye, ne hol ye heged mò nmò anì wen gónó ye ma, lómón yóm tehe hlolò me kuy ekni.

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Isaya 14:6

Lemwót bè kebut le, gel hen-gnok le yó kem tau ne laen kô dù sónen yóm kehsidek le yó kem tau bè yó kem benwu deng gled le.

Hbakuk 1:15

Tódô me kem téwéng ne kô bè dulé kem hohon me, gedyol elem huket le igò le fen alì hligal se kul?

Hbakuk 1:17

Ó Dwata, tódô hlós lusem kul ne kô yóm nmò le ni efet kól bè sónen? Tódô lusem kul ne kô yóm tendo keglà le tau, balù udì ke wen kodu le?