Hbakuk 2:20 - Udél Dwata: Gna Kesfasad ne Lomi Kesfasad

²⁰ Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Hbakuk 2:20 Referans Kwoze

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Isaya 6:1

Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.

Juna 2:7

Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Juna 2:4

Ofo do ke deng tódô hlayukem o béléem ne là bud tonu du ne yóm kóm Gónô.

Hbakuk 3:1

Ni se hni Hbakuk bè Dwata yóm sotu tugod Dwata, bede lingónen.