Hbakuk 2:2 - Udél Dwata: Gna Kesfasad ne Lomi Kesfasad

² Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

Hbakuk 2:2 Referans Kwoze

Isaya 30:8

Wen hsulat Dwata do bè bok yóm gel nmò yó kem tauhen anì wen mdengen gónóhen nô yóm tey ksidek nmò le.

Deng Hegfan 14:13

Ne bud gungolu se yóm mudél gu bè longit, monen, “Ni snulatem. Hligal yó kem tau ke matay le bè yóm igò le lemolò yóm gónó le mogot.” Ne ominen mudél se yóm Tulus Dwata, monen, “Tahu se yó. Tey kehligal le kul, abay se deng le gehegnô bè yó kem blat tehe gel nmò le. Yakà dengen eles nô bélê le yóm ulék yóm hyu tehe gel nmò le yó.”

Dwata 31:22

Tahu se, bè yóm kdaw yó tódô snulat Musis yóm lingón yó ne toloken yó kem tau Israél.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Isaya 8:1

Yó udél Dwata ebéléu, monen, “Mahi yóm mò gónóm smulat, bede yóm bong. Yó kmò ksulatem du hebangem, monem, ‘Mebetik ma, metlasik megef.’

Dwata 27:8

Bè yó kem botu deng bnukay ye, hol hentilob ye smulat du tahen yóm kdê hlau Dwata kuy.”

Dwata 31:19

Bud mon Dwata mò ke Musis, “Ni snulatem nim lingón nii. Tolokem yó kem tau Israél mò angat gónóhu hewót mdà du yóm ktafaku kul.

Deng Hegfan 19:9

Ominen mon du mò do yóm hógów Dwata, “Ni snulatem. Tey kehligal le yó kem tau deng tinok le ebè yóm mò ken bong bè lówó yóm Ngà Ubiha.” Ne bud monen mò do, “Yóm deng snulatem yó, hol udél lemwót lem bak Dwata.”

2 Kurin 3:12

Lemwót bè nim ken-gel nawa me ni, yó gónó me là lengayà bemkas du bélê ye yóm tulón nwit me.

1 Kurin 14:19

Ewenem yó, bè yóm gel ksimba tekuy, mom hyu he ke tek limu udélu ebélê ye bè yóm ktoloku kuy, syan ke tngón ye lanen. Hyu yó senta yóm hilu libu udélu bè yóm udél là tngón ye du lanen.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Jirimaya 30:2

“Ni se udél Dwata yóm kuy Dwata yó kem tau Israél, Ó Jirimaya, gotu snulatem yóm kdê deng tulónu kóm.

Danyél 7:1

Bè yóm tanay halay kogot Bélsasar yóm benwu Babilun, wen kna Danyél ne wen hton béléen bè yóm igoen hlilil bè gónón tungô. Gotu snulaten yóm knahen yó ne ni se yóm tonen.