Hbakuk 2:19 - Udél Dwata: Gna Kesfasad ne Lomi Kesfasad

¹⁹ Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

Hbakuk 2:19 Referans Kwoze

Kem Lingón 135:17

Wen klingu le, okóm là kô le mungol. Wen ilung le, okóm là kô le gmungef.

Jirimaya 10:4

Ne wen blówón bukay ne tahu blówón gel klóón le du. Omin le tmutuk du bè yóm gónó le hemsù du anì là btangen.

Jirimaya 10:9

Yó kem dwata le yó, gel lenafin le yóm blówón bukay lemwót gu bè benwu Spén ne yóm tahu blówón lemwót gu bè benwu Ufas. Gotu blay le bè yó kem tau wen khulung le mò du. Nnes le yóm nes megem ginggung, yóm nes newel yó kem libun alì hulung mò nes.

Deng Hegfan 17:4

Yó nes leseken yóm libun yó, nes yóm hol libun boi, yóm nes ginggung megem, ne wen se yóm hol tógó khulóen. Tódô tfeng lówóhen yó kem ngom libun gel nmò le lemwót bè blówón ne lemwót bè yó kem botu sminang mebtes, ne bè yó kem pérlas. Wen tgayan blówón nkemen, tódô henok lemen yóm nmò alì sidek lemwót bè yóm gel ksamuken.

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Danyél 3:18

Okóm baluen he ke là tnóbóngen kum, là kô me móyô hemtahu bè yóm kóm dwata duhen ke tô me tmaba ebè yóm lennged blówón deng hdaem.”

Danyél 3:7

Tahu se, tikóng gungol le yóm tey uni féw sguyun mung du yóm kdê dumu huni le, gotu tud le uyó le bè tonok yóm kdéen tau, balù kihu gónó le gu semfu, balù kihu benwu le, balù kihu kay udél le, gotu le tmaba ebè yóm lennged blówón hdà Nibukadnisar.

Danyél 3:1

Yó nmò Nibukadnisar wen lennged blówón hmoen, botong lewu folò hitu mitru kegetahen ne mukas lewu mitru sóól kbong lówóhen. Hdaen bè prubinsya Babilun bè yóm datal boluyen Dura.

Jirimaya 10:14

Ke hol hendem tekuy yóm tey kegbek Dwata, laen kô dù tngón le yó du kem olo tau te tonok, hono le nungel. Yó kem tau mò dwata lennged angat le gotu myak, abay se kéng yóm dwata lennged nmò le, là mowil le laen dù genbek le.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Isaya 44:17

Bede yó muhen du yóm sfu yóm koyuhen, nmoen dwata mò gónón gel tmaba. Tuden bukolen bè soluhen ominen tmaba ebéléen, monen, “Uu se yóm dou dwata, hol lenwaem ou.”

Isaya 40:19

Yóm Dwata kun, là kóen mkél bè yóm dwata lenbù nmò tau. Yóm dwata lenbù nmò le yó, sal gel lenafin le tahu blówón yó kem tau temwél du ne bud wen blówón bukay nmò le mò gónó le hdà du.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Juna 1:5

Ya tey sidek klikò yó kem tau mò nmò lemen, tódô ket tau tmaba ebè yóm kun dwata gónó hemtahu, lel le gotu mbot elem mohin yó kem dumu lulón le anì malù maan yóm kafal. Okóm ke Juna kun, mom henga tungô ditu laan lem bediga yóm kafal.

Kem Lingón 135:15

Yó kem kul dwata lennged yó kem tau bè tólóng benwu, gel nmò le bè blówón bukay ne tahu blówón, hono nmò tdok tau.

Isaya 26:14

Deng le gotu matay ne yó kem tehe mogot kum yó, là kô le bud mowil. Là se bud le mowil yó kem lóyóf le, yakà deng tnafakem kul, deng gotu genlaem lu. Laen dù bud hemtulón kul nawa ne.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Jirimaya 10:3

Yóm kul hentahu yó kem tau yó, laen dù muhen. Nmò le dwata lennged yóm koyu nofok le lem dlag.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.