Hbakuk 2:18 - Udél Dwata: Gna Kesfasad ne Lomi Kesfasad

¹⁸ Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Hbakuk 2:18 Referans Kwoze

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

1 Kurin 12:2

Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

Isaya 45:16

Yó kem tau gel mò dwata lennged, tey sidek kyak le yóm kdê le.

Juna 2:8

Yó kem tau hemtahu bè yó kem dwata lennged laen dù muhen, deng knogol le uu ne.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

Isaya 37:38

Sotu kdaw bè yó, yóm igoen tolo tmaba bè gónô yóm kun dwata boluyen Nisrok, wen lewu ngaen logi sut béléen ne tódô bnonok le bè yó, tibó le du yóm kul sudeng. Omin le mlóy ebè yóm sotu benwu boluyen Ararat. Yó boluy le, Adramélék ne Sarisér. Wen sotu ngà Sinakirib boluyen Isarhadon bud temles du. Là gomongen bè nili yóm tsaptér 38. Yó tulónen, yóm kwen des Hisikaya yóm tau hol geta bè benwu Juda, gónón tô matay okóm mni bè Dwata anì mkó yóm desen. Ne tahu se, hkó Dwata yóm desen ne bud tennuen sfolò limu halay yóm klowilen. Yó bud fasad Dwata ke Hisikaya yóm kofinen yóm benwu Jirusalim bè yó kem tau Asirya. Bè bérs 8 wen ilô nmò Dwata bè Hisikaya, ilô yóm kdohò kmoen du nim ni, yó monen, “Hudulu sfolò bangen bè yóm tngel kdaw gónón gel temngel udas tehe Ahas yóm sotu tau geta.” Ne tahu se, tódô hudul sfolò bangen yóm olung bè yóm gónó le gel temngel udas yó. Yóm sfu nim tsaptér ni hónô lingón nmò Hisikaya gónón dmóyón ke Dwata bè yóm kehkóhen desen. Là gomongen bè nili yóm tsapter 39. Yó tulónen bè yó deng kungol yóm tau hol geta bè Babilun yóm kleed des Hisikaya yóm tau hol geta bè benwu Juda, yó gónón wen kem tau hógówen mò henwiten sulat ne basa. Tey kehduf Hisikaya kul yó kem tau yó, gotu toloken kul yóm kdê nô lem yóm gónón gel hemyu kimu legen alì mebtes, laen kô dù bnosen bélê le. Kdeng kewót yó kem tau mauy gu bè Babilun, lemwót Isaya yóm tugod Dwata, mógów ebè Hisikaya nan e nudél bè yóm deng nmoen. Mon Isaya mò du bè bérs 6, “Deng móyón kól yóm kdawen yóm kdê deng nfunem, yóm kdê kendengen deng sentifun kem tuhahem, angat gotu nwa le ebè Babilun. Laen dù bud tebel, mon Dwata.” Bè yóm deng kungol Hisikaya du nim ni, yó nô lem hendemen, “Anien he, senged sana kwen kenek nawa me ne laen dù hemen me bè yóm klawihu mowil.”

Isaya 1:31

Yóm bnes ke deng hol mékéng, balù olon kutu ofi mógów edu sana ketomen. Hol lómón yó se kmò keglà le yó kem tau wen kfasangen nim kmoen ni. Tódô lemwót bè kul ksidek nmò gónó le meglà. Ne laen kô dù tau gembek hemseng du bélê le yóm keglà le.

1 Samwél 12:21

Bê ye abay bud semfulék tmaba ebè yó kem dwata kéng laen dù muhen. Là gbek le tmóbóng kuy ne là gbek le lemwà kuy abay se tahu laen dù mu le.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Isaya 40:19

Yóm Dwata kun, là kóen mkél bè yóm dwata lenbù nmò tau. Yóm dwata lenbù nmò le yó, sal gel lenafin le tahu blówón yó kem tau temwél du ne bud wen blówón bukay nmò le mò gónó le hdà du.

Isaya 44:12

Yó nmò yóm tau msól wen bala tók nwahen, ominen lemubón du lem ofi ne nsólen ne tey kekgis yóm sigelen msól du. Bè yóm ksólen du gnómen kbitilen, lelen meeng ne miteg.

Jirimaya 2:8

Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Amus 2:4

Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.