Hbakuk 2:17 - Udél Dwata: Gna Kesfasad ne Lomi Kesfasad

¹⁷ Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Hbakuk 2:17 Referans Kwoze

Hbakuk 2:8

Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Kem Lingón 55:23

Okóm uu, Dwata, angat mbot kul elem lanaw ofi yó kem tau sidek gel nmò le. Kem tau monok ne kem tau smukat, là kô guta le du ktuha le. Okóm dou, són uu snaligu.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Kem Lingón 137:8

Ne bud uu se, benwu Babilun, angat wen he tau gembà kóm se kóm. Hligal yóm tau bud mò du bélê ye yóm tehe nmò ye bélê me.

Juwél 3:19

Okóm yóm benwu Idyip, angat baling benwu là hyu menwu du, dalang se yóm benwu Idom, angat laen kô dù bud tmowok du lemwót bè yóm deng kundug le yóm benwu Juda, gotu hnatay le yó kem tau laen dù salaen.

Hbakuk 1:17

Ó Dwata, tódô hlós lusem kul ne kô yóm nmò le ni efet kól bè sónen? Tódô lusem kul ne kô yóm tendo keglà le tau, balù udì ke wen kodu le?