Hbakuk 2:16 - Udél Dwata: Gna Kesfasad ne Lomi Kesfasad

¹⁶ Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Hbakuk 2:16 Referans Kwoze

Deng Hegfan 18:6

Nmò ye béléen yóm sidek tehe gel nmoen bélê ye, bede hol hegulé ye yóm kbeles ye du. Hinum ye du yóm ninum alì lóbô senta yóm tehe gel hinumen kuy.

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Husiya 4:7

Ke henwenen temnù kwen yó kem tau gel semblóng tau ebéléu, henwenen se temnù yóm tendo kegsalà le béléu. Yóm tehe kegdóyón ye bè yóm klolò ye do, deng mom tles ye du yóm kyak ye lan ye lemolò yó kem dwata kéng.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Kem Udél Hlalak Tehe Selumun 3:35

Yó kem tau hulung hedem guta le kdóyón tau kul, okóm yó kem tau book mulék le myak.

Kem Lingón 75:8

Yakà wen tegayan nogot Dwata, tódô hnok yóm ninum alì lóbô deng kmodok nô lemen, hningónen yóm alì kebuten. Gotu twélen nim ninum ni ebè yóm kdéen tau mò sidek, hinumen kul efet gotu le.

Hbakuk 2:10

Okóm lemwót bè yóm deng kbonok ye, deng henyak ye knô ye ne deng genbà ye ktau ye.

Hbakuk 2:15

Hatay ye se kuy kem tau gel nwit le hlengel kem dumu le sebét. Nubug ye lu minum efet le lengel anì ton ye yóm klaen dù nes le ne yóm kyak le.