Hbakuk 2:12 - Udél Dwata: Gna Kesfasad ne Lomi Kesfasad

¹² Hatay ye se kuy kem tau hefdà yóm syudad mlan bè yóm filak lemwót bè gel kbonok ye ne lemwót bè yóm gel kmò ye sidek.

Hbakuk 2:12 Referans Kwoze

Mika 3:10

Deng mom tgel ye syudad Jirusalim yó kem tau monok ne yóm kukum là tedengen.

Nahum 3:1

Hatayen kun yóm syudad Ninibi. Gónó le menwu yó kem tau hono litô lemekes lem hólól le, hono kéng yóm btang bè sumóng le, benwu tódô hnok lemen kimu deng negef ne bud wen angat muku du bélê le snéen yó kem kimu yó.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Juswa 6:26

Bè yóm kdaw yó, tey mget yóm olu Juswa eta yóm syudad Jiriku, monen, “Ke wen tau bud mò du syudad nim Jiriku ni, deng megtuled bè Dwata ne yóm tau yó. Ke wen tau bud mò begelen, angat lana béléen yóm ngaen logi twogu. Ke wen tau bud mò yó kem tikeben, angat lana béléen yóm ngaen logi twoli.”

1 Bok Kem Tau Hol Geta 16:34

Bè yóm igoen tolo kmamal benwu Ahab, lemwót Hil yóm tau lemwót bè Bétél, tô hdaen yóm syudad Jiriku. Bè yóm igoen mò du yóm mò hembegel du yóm beng hilolen matay Abiram yóm ngaen logi twogu. Ne bè yóm deng kehdengen du yóm bak tikeb nmoen, matay se Sigub yóm ngaen logi són twoli. Nim glumfaken ni, deng gónón dohò yóm udél Dwata gbak ebè Jiriku hlanen bè Juswa ngà Nun.

2 Kurin 1:21

Dwata se yóm tendo hgel nawa tekuy bè yóm deng kessotu tekuy bè Krays. Bud Dwata se yóm deng eles hetfing tekuy,

Hbakuk 2:6

Okóm angat kól yóm kdawen tey sidek udél le ebélê le yó kem tau tehe negef le yó, mon le mò kul, ‘Hatay ye kuy kem tau ma yóm sundu kul du. Hatay ye kuy kem tau wen kendengen ye lemwót bè kgaga ye yó kem tau mutóng bélê ye. Kegenen de tendo bud kmò ye du yóm yó?’