Hbakuk 2:10 - Udél Dwata: Gna Kesfasad ne Lomi Kesfasad

¹⁰ Okóm lemwót bè yóm deng kbonok ye, deng henyak ye knô ye ne deng genbà ye ktau ye.

Hbakuk 2:10 Referans Kwoze

Nahum 1:14

Yó bud udél yóm sana Dwata hol gónó mogot ebè yó kem tau Asirya nô bè Ninibi, monen, “Laen dù bud ngà ye ne mò bud mit yóm kuy boluy. Angat gotu genbau yó kem dwata kéng nô lem yóm gónô gónó ye gel tmaba ebélê le. Deng eles hokolu sol ye abay se hono sidek yóm gel nmò ye ne là kô hyu hlowil kuy.”

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

Hbakuk 2:16

Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Jirimaya 36:31

Tnafaku yóm tau hol geta yó dalang se yó kem fes lówóhen ne yó kem genlalen lemwót bè yó kem salà le. Gotu koku eta le ne eta yóm kdéen tau bè Juda ne bè Jirusalim yóm kdê glumfak deng eles oluhu eta le, abay se là kô hnungol le du yó kem deng eles hetgamahu kul.’ ”

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

Jirimaya 22:30

bè yóm snulat le gbak bè klowil Jihuyakin laen kô dù sfuhen, abay se laen dù bè yó kem ngaen ke gemyón bè yóm kun gónó myón kmamal Dabid mò mogot yóm benwu Juda. Ne laen kô dù gónón e kól yóm kun klowil.”

Isaya 33:11

Yóm kdê gel natul ye ne kdê yó kem gel nmò ye, hono laen dù gónón e kól. Yóm dou Tulus, hol lómón ke ofi mò gemlà kuy.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Udél Hlalak Tehe Selumun 1:18

Okóm kul ni du kem tau mò sidek ni mom ten-geed le hmatay kul knô.

1 Bok Kem Tau Hol Geta 2:23

Omin Selumun smafà bè Dwata, monen, “Hol hnatay Dwata o ke là hfatayu ke Adunadya bè nim hnihen ni.

Lista 16:38

Yó gónó le deng mólós, abay se deng nit le lu ebè soluhu. Yó gónóm mon, gotu hwahem lu ke Ilisar bè yó kem tau deng matay lemwót bè salà le. Lenubaken lu efet kufil mò lafin yóm gónó le demsù ebéléu. Yóm lafin yó mò hentulón nawa yó kem tau Israél anì hol le eles temgama.”

Kem Udél Hlalak Tehe Selumun 20:2

Yóm klikò tau du yóm alì sidek kebut yóm tau hol geta lómón yóm klikò tau du yóm ngel yóm mon le liyun. Yóm tau hebut yóm tau hol geta hfatayen knóen.