Hbakuk 2:1 - Udél Dwata: Gna Kesfasad ne Lomi Kesfasad

¹ Ni mkafe eta yóm gónô mentey geta, bè yó gónóhu mangat du yóm udélen ebéléu yóm sana Dwata hol gónó mogot ne yóm kmò kbalaen du yóm tnakasu.

Hbakuk 2:1 Referans Kwoze

2 Samwél 18:24

Lemwót Dabid, tolo myón bè bak tikeb yóm syudad. Lemwót yóm tau gel mentey, mkaf eta ketef yóm bak tikeb yóm syudad yó, tonen yóm tau tek sotuhen mlóy gu ditu.

Kem Lingón 85:8

Tey khungolu du ke tedu yóm udél Dwata yóm Dwata hol gónó me mogot, abay se fasaden tekuy kem kun tau yóm kenek nawa, syan ke là bud tekuy semfulék ebè yó kem sidek tehe nmò tekuy.

Kem Lingón 5:3

Hnungolem, Dwata, yóm knihu béléem ke hlafus. Ket hlafusu tendo tmulón du kóm yóm hnihu, tódô eles tngónu yóm angat kbalaem dou.

2 Kurin 13:3

Wen ilô hnebel ye kun mò gónó ye dmilô du yóm khudél Krays dou. Angat ton ye he yóm hnebel ye yó bè yóm ktafaku kuy. Angat gnóm ye yóm tey klóbô Krays. Angat hegfanen lem blóng ye yóm tey kfasangen.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Job 31:37

Ke deng tonu yóm delemen do yó, gotu tulónu du yóm kdê deng nmou ne laen kô dù kenyaku bè yóm kdau bè soluhen.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Job 31:35

Yake wen tau hol hmungol du dé nim monu ni. Smafae kaem hono tahu yóm kdê monu ni. Yó hem Dwata fen malà do yóm Dwata alì gembek. Hyu nawahu ke snulat yóm hohonu yó kem delemen do anì tonu.

2 Bok Kem Tau Hol Geta 17:9

Gel lifut nmò le yóm là hyuhen bè yóm sana kul Dwata hol gónó mogot. Deng mom hdà le bè yó kem benwu le yóm gónó le gel demsù ebè yó kem dwata kéng, balù yó kem benwu lemnek kkólen bè yó kem syudad mbegel beng hilolen wen hdà le bè yó.

Jirimaya 6:17

Deng tehe wen kem tau néléku mò mentey kuy. Yó udél le ebélê ye, ‘Angat wen uni féw gungol ye mò eles gónó ye temgama. Hol hnungol ye.’ Okóm mom yó balà ye kul, mon ye, ‘Là. Là kô me móyô hmungol du.’

Isikél 3:17

“Ó Tau Tonok, néléku uu mò mentey bè yó kem tau Israél. Ke wen tulónu kóm mò hetgamahu kul, hol géhél hgefetem bélê le.

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Isikél 33:7

Duhen yó, Tau Tonok, nmou uu mò mentey yó kem tau Israél. Yó gónóm mon, hol hnungolem yóm udélu anì eles wen hetgamahem kul lemwót béléu.