Hbakuk 1:15 - Udél Dwata: Gna Kesfasad ne Lomi Kesfasad

¹⁵ Tódô me kem téwéng ne kô bè dulé kem hohon me, gedyol elem huket le igò le fen alì hligal se kul?

Hbakuk 1:15 Referans Kwoze

Amus 4:2

Deng safà yóm Dwata hol dandónen geta hlanen bè yóm tey klaen dù belenen, monen, “Angat kól yóm kdaw hegef le kuy mayuk, lómón kmò le kuy ke gkebeng ye bè dulé. Hol lómón kekteng le kuy utón él tawan dulé yóm ket kuy sotu.

Kem Lingón 10:9

Eles le hmilung mangat lómón liyun, hnilung nangat kenfô le yó kem tau laen dù gmò le. Ke deng gekfô le lu, omin le kendel demyol kul lem holot le.

Deng Hegfan 11:10

Ya tey kehligal yóm kdéen tau te tonok bè yóm katay le. Tey ken bong nmò le, ne lel tey kesbasa le lemwót bè yóm kligal le. Yakà bè yó du kem lewu tugod Dwata yó gónón lemwót yóm tehe tey keglayam le.

Matyu 17:27

Okóm là hyuhen ke hebut tekuy lu ni kem tau mtuk ni. Yake lemwóti dé ebè lanaw na a dmulé. Nwahem yóm utón él tanay semkot ne yóm filak mgel tonem lem baken, yó se mò kut bayad lewu te.”

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Hbakuk 1:14

Ilóem heskélem mi bè utón él lem mohin kô mò nalu ne mò hnatay? Ilóem heskélem mi bè yó kem kmadaw laen dù mdengen malak kul mò mofin kul?

Hbakuk 2:5

Hol gónó gtundug yóm kendengen tau ne yó kem tau heklabak laen dù kenek nawa le, mkél le bè hatay laen kô dù gónón gsengel nawa le. Tendo mled benwu seflós mò nfun le ne negef le yó kem tauhen.