Hbakuk 1:12 - Udél Dwata: Gna Kesfasad ne Lomi Kesfasad

¹² Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Hbakuk 1:12 Referans Kwoze

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Jirimaya 30:11

Yakà tendohe nô bélê ye naw e lenwà yu. Gotu genlau yó kem benwu deng gónów e semkla kuy. Okóm yó dum kuy là kô genlau kuy. Bede là kô gbeku du ke là tnafaku kuy. Là kô lugunu kuy là tnafak,” mon Dwata.

Kem Lingón 93:2

Lemwót bè hol kbuten, Dwata, tey mbegel yóm kkamalem yóm klamangen. Gu laanem là deng mbut du yóm kdéen, deng sana kem yó ne yóm keDwatahem.

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Malakay 3:6

“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.

Hbakuk 3:2

Ó Dwata yóm sana Dwata hol gónó mogot, deng gungolu yó kem tey tennga deng tehe nmoem ne botonge likò. Ne ni, hol bud nmoem bélê me bè nim kum kdaw yó kem deng tehe nmoem yó. Balù yóm tey sidek kebutem kum hol knodum mi.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Isaya 43:15

Ou se gónó ye mogot yó kem tau Israél yóm Dwata laen dù belenen. Deng nmou yu ne ou se yóm hol dandónen geta bélê ye.”

Isaya 40:28

Là deng tngón ye du he kô ne là deng gungol ye du? Yóm Dwata gónó tekuy mogot laen kô dù tul sónen. Du se tehe dmimun yóm klamang benwu. Là kóen na a miteg ne là se kóen na a lunog. Là gbek te hmingón du yóm tey kehedemen tekuy.

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Isaya 37:26

Là tngónem du kô ou se tehe matul du yó kem dê deng nmoem yó? Ou se hmò du kóm yó kem yó. Bud lemwót béléu yóm kfasangem gembà kul yó kem syudad balù yóm tey kdengen beng le.

Kem Lingón 118:17

Là kô na le e ghatay do yó kem hohonu, tódô sana klowilu, ne angat tulónu yóm deng nmò Dwata béléu.

Kem Lingón 18:1

Ó Dwata, tey kbong nawaw kóm. Uu yóm gel hekgis dou.

Kem Lingón 17:13

Hekmóni kut, Dwata. Senfatayem lu dou yó kem hohonu anì gotu le meglà. Nwitem sudengem, hewaem ou lem hólól yó kem tau gel mò sidek yó.

2 Bok Kem Tau Hol Geta 19:25

Ilóem là deng gungolem du kô?’ mon Dwata, ‘kaem ou se Dwata yóm tehe matul du yóm deng nmoem yó. Tehe yu ne ekni eles katulu du yóm kdéen ni, ne ni se deng kehdohou du, duhen yóm gotu kehegbau du kóm yó kem syudad mbegel beng hilolen.

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Tekang Kbuten 21:33

Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

Kem Lingón 102:24

Okóm hkoduhe béléen, monu, “Ó Dwata yóm Dwata là matayen, béem tagad nwa do klowilu yóm igou hanà tolo lomi tau.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Kem Lingón 74:12

Uu se, Dwata, yóm dou Hol Geta lemwót bè kbuten. Uu se but gónó le gewà yó kem tau talak tonok.

Kem Lingón 90:1

Ó Dwata, yóm gónó me mogot, són uu se tendo gónó me glébéd lemwót bè kbuten.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.