Hbakuk 1:11 - Udél Dwata: Gna Kesfasad ne Lomi Kesfasad

¹¹ Ke deng gotu genbà le yóm sotu benwu, omin le tódô miwes lómón kbel lenos són ktonem kul. Okóm hono kem tau mò sidek, nmò le dwata le yóm kgis le.”

Hbakuk 1:11 Referans Kwoze

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

Jirimaya 2:3

Bè yó kem kdaw yó, deng hetfingu yu ebéléu yu kem tau Israél. Yu se yó kem hol ngau twogu. Ke wen tau tehe hemsidek kuy sal gel wen glumfak hwitu ebélê le. Ou se yóm sana Dwata hol gónó mogot nim mudél ni.’ ”

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Isaya 10:13

Yó bud udélen heklabak yóm tau hol geta bè yóm benwu Asirya, monen, “Tek són ou se mò du yóm kdéen ni. Teye kemgis yóm ou ne teye temngón ne teye hulung mò atul. Deng gotu gwahu ne yó kem dumu benwu, laen kô dù bud mdengen blóng le ne deng gotu dou kdéen. Deng gotu gwahu yó kem deng tô sentifun le mò lowil le. Lómón ke ou yóm safì tudu deng gotu ndau lu laan yó kem tau menwu bè yó.

Jirimaya 9:22

Ne yó bud udél Dwata, monen, “Angat tódô bulét bè klamangen yó kem tau deng matay, lómón kbuléten kê ógóf ne lómón ke logom halay gtebel yó kem tau muta du ne laen kô dù tau bud semtifun kul.”

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”