Hbakuk 1:10 - Udél Dwata: Gna Kesfasad ne Lomi Kesfasad

¹⁰ Tey kehnê le yó kem tau hol geta ne yó kem genlalen. Mom knuli le yóm kdê syudad mbegel beng hilolen. Mom yó nmò le muntud le tonok mò lan le mulé du.

Hbakuk 1:10 Referans Kwoze

2 Tutul Israél 36:6

Lemwót Nibukadnisar yóm tau hol geta bè Babilun nundugen Jirusalim, ne nleden. Yó nmò Nibukadnisar bè Jihuyakim, nféten kedina ne nwiten ebè Babilun.

Jirimaya 32:24

Hnénégem dé yóm deng nmò yó kem hohon me tódô genbà le yóm beng lemibut yóm syudad ni anì gusek le elemen. Angat btang elem hólól yóm tau hol geta mogot yóm benwu Babilun nim syudad ni mlan bè gida ne bè bitil ne bè des. Kdê yó kem deng tehe monem, deng gotu dohò ne.

Isaya 14:16

Angat tey kehlunu le kóm yó kem tau nô bè benwu yó kem deng matay snólók le, “Ni kô yóm tau gel gmida bè klamangen benwu efet setbol kkel yó kem tau bè ket benwu?

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

Jirimaya 33:4

Yó udél Dwata yóm Dwata yó kem tau Israél, monen, Baluen ke deng gotu genbà ye yó kem gónô lem yóm syudad ni gomong lemen yóm gónô bong yóm tau hol geta mogot kuy ne deng gotu nwa ye ngomen mò tgel ye yóm beng hmilol Jirusalim anì là gusek yó kem hohon ye,

2 Bok Kem Tau Hol Geta 24:12

Omin Jihuyakin heglaan bè Nibukadnisar, mung du yó kem tau gónón gel hmungol hlau, ne yó kem sfu tau hol geta, ne yó kem genlalen, ne yéen, gotu le heglaan bè yóm tau hol geta bè Babilun. Bè yóm gwoluhen halay kkamal Nibukadnisar bè Babilun, negefen Jihuyakin ne bnangguen ditu bè Babilun.

Isaya 10:9

Denge gemmò bè yó kem syudad Kalnu ne Karkimis ne Hamat ne Arpad. Denge gemmò bè yó kem syudad Samarya ne Damaskus snéen.

Isaya 37:13

Nô se lu du yó kem tau hol geta tehe mogot yó kem syudad Hamat ne Arpad ne Sifarbim ne Hina ne Iba? Là kô bud tonem kul ne.”

Sifanaya 1:8

Yó udél Dwata, monen, “Bè yóm kdaw yó, angat gotu tnafaku yó kem tau malak bè Juda, dalang se yó kem ngà tau hol geta genlal. Ne gotu homong tnafaku yóm kdéen tau gel lemolò yóm kul kmò kehtahu yó kem tau bè tólóng benwu.

Jirimaya 30:5

“Wen gungolu tey dmumu mkik, hol kik gónó likò.