Hagay 2:9 - Udél Dwata: Gna Kesfasad ne Lomi Kesfasad

⁹ Nim lomi Gónóu ni, angat tey knóón senta yóm gnan. Lemwót bè yóm bud kehdà ye du, yó se gónón lemwót yóm keblayu kuy kehyu klowil ne kenek kbenwu.” Ni se udél yóm Dwata laen dù là gbeken du, yóm Dwata hol gónó mogot.

Hagay 2:9 Referans Kwoze

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Sulat Jim 2:1

Ó kem dumuhu setwoli, ke deng ye hemtahu bè yóm gónó tekuy mogot Jisas Krays, yóm gónó mogot hol geta bè kdéen, yake béen abay mtukul tau gel hnódó ye.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Mika 5:5

Ne du gónón lemwót yóm kenek kbenwu le. Ke sok nundug kem sendalù Asirya yóm benwu tekuy ne ke tódô le hlós elemen, angat wen hitu tau malak nélék tekuy mò mit kul sfatay ne wen wolu kem ngà tau hol geta malak tekuy.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Hagay 1:8

Na, mógów ye elem bulul dé na ye e mofok koyu mò ngom yóm dou Gónô anì bud hdà ye. Ke ni se nmò ye, tey kehyu nawaw. Ne angat ye bud stifun tmaba ebéléu bè yóm dou Gónô yó, lómón yóm deng tehe hlolou kuy.

Hagay 2:3

“Wen kô bélê ye gemtulón du nawa yóm tey tehe keklóón yóm dou Gónô? Kmò kton ye du se nim Gónô hdà ye ni? Lómón ke là gsengeden du yóm gnan.

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”