Hagay 2:7 - Udél Dwata: Gna Kesfasad ne Lomi Kesfasad

⁷ Angat genbau kdéen dumu benwu. Ne yóm kdê kendengen le, gotu nit le ebè ni mò heklóón yóm dou Gónô. Angat tódô hnok kendengen lem yóm dou Gónô.

Hagay 2:7 Referans Kwoze

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

1 Bok Kem Tau Hol Geta 8:11

Là kô gbek le bud mò du yóm gel nmò le lemen yó kem tau gel blóng ebè Dwata yó, abay se deng tódô tfeng yóm tey keslinang Dwata lem yóm kun Gónô.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Kun Snulat Luk 2:46

Bè getluhen kdaw, ton le lem Gónô Dwata, myón lem blóng yó kem tau gel tmolok hlau. Hnungolen lu, ne wen se gel snólóken bélê le.

Kun Snulat Luk 2:27

Bè yóm kdaw kul kógów le Jusif, kulel se kun khusek ke Simyun elem yóm Gónô Dwata lemwót bè yóm kalaken du yóm Tulus Dwata. Geslaen se yóm kwit le ke Jisas elemen yó kem tuhahen na le e nmò béléen yóm deng hlau Dwata kul.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Glasya 3:8

Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kun Snulat Luk 21:38

Bong yó kem tau bè yóm benwu yó, tey tendo gel kehlafus le ebè yóm Gónô Dwata na le e gel hnungol yóm ktolok Jisas.

Kun Snulat Luk 19:47

Kewóten bè yó ne, ket kdaw Jisas gel tmolok lem yóm Gónô Dwata. Ne ya tey kesefebut le du yó kem geta bè yó kem gel demsù ebè Dwata, dalang se yó kem tau tmolok hlau, kkólen bè yó kem dumu tau gónó le gel galak yó kem Ju. Hol kóyô le ke hnatay le Jisas.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.

2 Tutul Israél 5:14

Là kô gbek le bud mò du yóm gel nmò le lemen yó kem tau gel blóng ebè Dwata, abay se deng tódô tfeng yóm tey keslinang Dwata lem yóm kun Gónô.

Kun Snulat Luk 20:1

Bud sotu kdaw bè yó, tolo lel Jisas tmolok bè yó kem tau lem yóm Gónô Dwata, hetngónen kul yóm Tulón Hyu lemwót bè Dwata. Gotu le sut béléen yó kem geta bè yó kem gel demsù ebè Dwata, ne yó kem gel tmolok hlau kkólen bè yó kem tuha gónó le gel galak yó kem Ju.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Kulasi 2:9

Bè yóm tehe kbalingen tau Krays, nô béléen yóm hol kun kmò Dwata.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Isaya 2:19

Bè yóm kdaw kkól Dwata na a kminsig klamangen tonok, yó nmò yó kem tau gotu le hebnos bè tu kem kilib bè but yó kem léhék ne yó kem dumu gotu le mokol sol lem tonok mò gónó le hebnos, tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Isaya 60:4

Ó Jirusalim, temngeli gu hilol dé anì tonem yóm kul nmò yó kem tauhem. Gotu le stifun anì bud le mulék ebéléem. Yó kem ngaem logi, angat le mulék ebéléem lemwót gu bè yó kem tey benwu mayuk. Ne yó kem ngaem libun, lómón ke ngà lemnek kwit le kul bè yóm kulék le.

Hagay 1:8

Na, mógów ye elem bulul dé na ye e mofok koyu mò ngom yóm dou Gónô anì bud hdà ye. Ke ni se nmò ye, tey kehyu nawaw. Ne angat ye bud stifun tmaba ebéléu bè yóm dou Gónô yó, lómón yóm deng tehe hlolou kuy.

1 Bok Kem Tau Hol Geta 8:10

Timbow le deng hewà gu lem yóm Gónô Dwata yó kem tau gel blóng ebè Dwata, tódô tfeng lobun lem yóm Gónô Dwata.