Hagay 2:4 - Udél Dwata: Gna Kesfasad ne Lomi Kesfasad

⁴ Okóm ni, béen abay sidek kegnóm ye du. Tódô henlel ye mò nmò, yakà tendohe eles nô bélê ye.

Hagay 2:4 Referans Kwoze

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Sikaraya 8:9

Ni se bud udél yóm Dwata laen dù là gbeken du, monen, Hol ye hekgis mò nmò anì deng yóm dou Gónô. Deng hónô gungol ye udél le ebélê ye yó kem tugodu bè yóm tehe kmò ye yóm mò hembegel yóm dou Gónô.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

2 Samwél 5:10

Sónmoen temnù kfasang Dabid lemwót bè yóm tendo knóen béléen yóm sana Dwata hol gónó mogot, yóm Dwata laen dù là gbeken du.

Dwata 31:23

Omin Dwata bud mudél ebè Juswa yóm ngà Nun, monen mò du, “Eles hfólem nawam ne elesi htigel. Uu se mò fen bud tles malak kul yó kem tau Israél ebè yóm tonok fasadu kul ne ou se tendo nô béléem.”

2 Timuti 2:1

Ó Ngau, Timuti, hol hgelem nawam bè yóm gel któbóng Krays Jisas kut lemwót bè yóm deng kessotu te béléen.

1 Tutul Israél 22:13

Abay se ke hol loloem yó kem hlau Dwata ne yó kem hloloen yó kem tau Israél tehe hlanen bè Musis, angat wen uléken yóm kdê nmoem. Holi hbegel, ne hol hfólem nawam. Béi abay hlikò, ne béem hegdódól nawam.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

1 Kurin 16:13

Hol ye tendo eles temgama. Hol hbegel ye kehtahu ye. Bê ye hegdolol nawa ye, hol ye setgel.

Hagay 1:13

Omin Hagay tmulón du yó kem tau yóm bud udél Dwata ebélê le, yóm monen, “Elese tendo gel nô bélê ye. Ni se yóm hol fasadu kuy.”

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,

Mark 16:20

Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Juswa 1:6

Hol hotuhem gelem ne hol hfólem nawam, yakà uu du malak kul ni kem tau ni eta yóm tonok tehe fasadu yó kem tehe fù ye.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

1 Samwél 16:18

Ominen sotu bè yó kem tóbóng lówóhen mon du, “Ditu bè Bitlihim, wen tau menwu ditu boluyen Jisi ne wen ngaen logi alì hulung huni du yóm gel kenbiten. Là olon du yó he là mahilen likò, hulung mit sfatay lelen hulung mudél. Tey knóón ngà logi ne tendo nô béléen Dwata.”

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.