Hagay 2:3 - Udél Dwata: Gna Kesfasad ne Lomi Kesfasad

³ “Wen kô bélê ye gemtulón du nawa yóm tey tehe keklóón yóm dou Gónô? Kmò kton ye du se nim Gónô hdà ye ni? Lómón ke là gsengeden du yóm gnan.

Hagay 2:3 Referans Kwoze

Isra 3:12

Okóm tey dê bè yó kem tuha gel blóng ebè Dwata ne yó kem tuha bè yó kem sfu Libay ne yó kem tuha bè yó kem tau malak bè ket tbong yó kem tau Israél, deng gotu tehe gmafit mton du yóm gna Gónô Dwata tehe hdà le ne gotu le mkik bè yóm kton le du yóm nmò le ni. Okóm yó kem dumu nô bè yó, tey kehligal le botong le mensag.

Hagay 2:9

Nim lomi Gónóu ni, angat tey knóón senta yóm gnan. Lemwót bè yóm bud kehdà ye du, yó se gónón lemwót yóm keblayu kuy kehyu klowil ne kenek kbenwu.” Ni se udél yóm Dwata laen dù là gbeken du, yóm Dwata hol gónó mogot.

1 Tutul Israél 22:5

Yó udél Dabid, monen, “Hanà tolo ngà he yóm ngau Selumun, ne laen dù deng glanen. Bè yóm kehdà tekuy yóm Gónô Dwata, hyu ke hol tilob, ne hol tótól bè yó kem benwu hmilol tekuy. Yó gónóhu hol eles semtifun yó kem ngomen.” Yó gónóm mon, gu laan Dabid là deng matay, deng eles sentifunen yóm kdê ngom bè kehdà le yóm Gónô Dwata, ne ya tey kwenen.

Isra 3:11

Sngal le yóm sngal dmóyón ke Dwata, bud gel sensulit le yóm korosen, mon le, “Tey hyu yóm Dwata. Yóm kbong nawan yó kem tau Israél, laen kô dù nan e són.” Tódô kdê le gotu hemsag dmóyón ke Dwata, abay se deng gotu deng kmò le du begel yóm Gónô Dwata hdà le.

Isaya 64:10

Yó kem kóm syudad, hol lómón ke deng le baling benwu là hyu menwu du. Yóm Jirusalim, deng gotu gbà, laen dù bud tau nô lemen.