Hagay 2:2 - Udél Dwata: Gna Kesfasad ne Lomi Kesfasad

² Bud hógówen Hagay ebè Sirubabél yóm gubérnor bè Juda ne ebè Juswa yóm geta bè yó kem gel demsù ebè Dwata ne ebè kdéen tau. Yó udél hwit Dwata ebélê le, monen mò kul,

Hagay 2:2 Referans Kwoze

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Isra 1:8

Gotu hsóhen ke Mitridat, yóm tau fen gel mogot filak bè Pérsya, anì gotu listahen. Lemwót se ke Mitridat kun, gotu bud blayen ke Sisbasar yóm kdéen yóm tau fen malak yó kem tau tehe negef bud mulék ebè Juda.

Isra 3:2

Lemwót Jéswa yóm ngà Jihusadak, mung du yó kem dumuhen blóng ebè Dwata ne Sirubabél yóm ngà Syatil, mung du yó kem kun dumu setwoli, gotu sentóbóng hdà le yóm gónó le gel demsù ebè yóm sana kul Dwata yó kem tau Israél. Yó gónó le mò du anì bud dsù le bè yó yóm dsù hkekeb le ebè Dwata, tódô lolò le yóm hlau tehe snulat Musis yóm tau Dwata.

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.