Biblia Todo Logo
Bib sou entènèt

- Piblisite -




Hagay 1:8 - Udél Dwata: Gna Kesfasad ne Lomi Kesfasad

8 Na, mógów ye elem bulul dé na ye e mofok koyu mò ngom yóm dou Gónô anì bud hdà ye. Ke ni se nmò ye, tey kehyu nawaw. Ne angat ye bud stifun tmaba ebéléu bè yóm dou Gónô yó, lómón yóm deng tehe hlolou kuy.

Gade chapit la Kopi




Hagay 1:8
21 Referans Kwoze  

Bè yóm kbut kehdà le du yóm Gónô Dwata, yó nmò yó kem tau Israél, wen filak blay le mò mayad yó kem tau hulung kemleng botu ne yó kem tau hulung hemdà gónô. Ne wen kem koyu sidar nwa le bè yó kem tau bè syudad Tayal ne bè syudad Sidon. Yó wa le du bélê le, lenuluk le ken ne yóm gel ninum le ne hnolo ulib. Hono kem koyu sidar lemwót bè bulul yóm benwu Libanun. Yó lan le mit du hetów le te Mohin Miditiranyan, dmuung bè yóm syudad bè kilil mohin boluyen Jupa. Kdê ni kem nmò le ni, hono lemwót bè kun kóyô Sirus yóm tau hol geta bè Pérsya.


Yakà deng néléku du yóm Gónô ni, ne deng hetfingu anì laen dù tul sónen yóm kwiten du yóm dou boluy. Angat tendo tnanudu ne eles tendo nô du nawahu.


Angat genbau kdéen dumu benwu. Ne yóm kdê kendengen le, gotu nit le ebè ni mò heklóón yóm dou Gónô. Angat tódô hnok kendengen lem yóm dou Gónô.


Yó mon Dwata mò du, “Deng gotu gungolu yóm knihem béléu. Deng hetfingu yóm Gónóu deng hdaem ni ne laen dù sónen yóm kwiten du yóm dou boluy. Tendo tnanudu ne knudungu etahen.


Nim lomi Gónóu ni, angat tey knóón senta yóm gnan. Lemwót bè yóm bud kehdà ye du, yó se gónón lemwót yóm keblayu kuy kehyu klowil ne kenek kbenwu.” Ni se udél yóm Dwata laen dù là gbeken du, yóm Dwata hol gónó mogot.


Ó Jirusalim, yó kem koyu tilob lemwót bè yó kem dlag bè benwu Libanun, angat gotu nwit le ebéléem yó kem koyu meguu ne dyunipér ne siprus. Yó mu le kul yó kem koyu yó mò ngom bè yóm bud kehdà le kóm, anì bud mulék tilob yóm dou Gónô ne anì bud mulék minggel mton du yóm dou syudad.


Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.


Yó kmò le du yóm bengen, bè ket tlu sodò botu sal wen koyu blóng le du. Tódô kdê yó kem deng gamà bè yóm Gónô Dwata yó, fen bnayad yóm tau mogot filak bè fesinà yóm tau hol geta.


Yóm kbut kehdà Selumun yóm Gónô Dwata, hdaen bè yóm gewuhen bulón boluyen Sib bè yóm gfaten halay mogot bè Israél. Nim kbut kehdaen du ni, deng fat latu bud wolu folò halayen ne kegen Dwata deng tehe hewà yó kem tau Israél gu bè yóm keghesek le bè Idyip.


Là getnef ye du kô but nim kmò kógów klowil ye ni?


Duhen ni, hol hewót ye lem but blutut ye yóm kimón ye yóm sana kuy Dwata hol gónó mogot. Nbut ye ne hdà du yóm kun Gónô yóm sana Dwata hol gónó mogot, anì géhél nwit ye elemen yóm Slungan Fasad ne yó kem ngom deng hetfing ye ebéléen. Nwit ye elem yóm Gónô hdà ye mò gónón megdóyón yóm kun boluy Dwata.”


Swiv nou:

Piblisite


Piblisite