Hagay 1:6 - Udél Dwata: Gna Kesfasad ne Lomi Kesfasad

⁶ Tey bong bnék gel hla ye, okóm tek udì guta ye du. Wen se gel ken ye, okóm là kóen kóyów ne là kô ye gemtu du. Wen se gel ninum ye, okóm bud là se kóyówen. Wen se gel nes lesek ye, okóm sana gel ketnaw ye. Ne yóm tau gel mò nmò, là kóen kóyów yóm gel gutahen mò lowil le.

Hagay 1:6 Referans Kwoze

Hagay 1:9

Tey gel kehdón ye du ke bong yóm gel tbas ye, okóm tek udì uléken. Bè yóm gel kwit ye du eta yóm gel nuta ye yó, mom nyufu hlayuk. Tngón ye kô but gónóhu mò du yóm yó? Abay se sana tolo kegbà yóm dou Gónô, mom hegna hdà ye yóm kuy gónô ne tódô ket tau tendo lala mò du yóm kun gónô.

Husiya 4:10

Yó kmò ktafaku kul, igò le se mken, deng le mom bitil. Igò le se smamuk bè yóm ktaba le ebè Baal, là sem wen ngà le abay se monem deng knogol le yóm sana kul Dwata hol gónó mogot lan le tmaba ebè yó kem dumu dwata.

Hagay 2:16

gel ye mógów ebè yóm gónó ye gel kmusu, ofo kuy ke angat lewu folò sakù guta ye du. Okóm là, tek sfolò. Ke mò ye tifas grép, ofo kuy ke angat limu folò galun guta ye. Okóm là, tek lewu folò.

Malakay 2:2

Ke là hnungol ye du yóm monu mò kuy ni ne ke là sù ye du bè nawa ye yóm kadat ye do, angat wen tey tafak sidek hwitu ebélê ye. Balù yó kem dsù gel nwit kem tau ebélê ye mò lowil ye, bud gomong megtafak. Bè ktahuhen, deng tlesu du tafak yóm kdê hyu gel blayu kuy abay se là nóen bè nawa ye madat do.

Sikaraya 8:10

Gu laan ye là deng bud mbut hdà du yóm dou Gónô, tey mgel klowil ye abay se laen dù ofol ye mò du, senged se bè yó kem ógóf ye. Ne tendo ye likò bè yó kem hohon ye balù kihu gónó ye e solu, abay se deng senfohonu yóm kdéen tau.

Sikaraya 5:4

Ne yó udél yóm Dwata laen dù là gbeken du, monen, Yóm hmulà ni, hwitu ebè ket gónô yóm kdéen tau mnagaw ne ebè ket gónô yóm kdéen tau gel smafà kéng hlan le bè boluyu. Yóm hmulà ni, eles nô bè yó lem gónô le efet deng gotu sidek yóm gónô le yó, gomong koyuhen kkólen bè kem botuhen.”

Jirimaya 14:4

Lemwót bè yóm là kkulónen tódô mékéng yóm tonok, botong gentô. Ya tey sidek kegnóm le du yó kem tau gel mò hulu, botong lenimun le kulu le se kul.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

1 Bok Kem Tau Hol Geta 17:12

Ne yó balaen ke Ilaydya, monen, “Nim tulónu kóm ni, hlanu bè boluy yóm sana kóm Dwata hol gónó mogot, laen kô dù mambang bè gónóu. Són nô béléu, tek skuf arina nô lem tukung, ne tek udì dù ngà hnolo ulib nô bè skê sobuy. Ni nógówu ebè ni anì naw e ma koyu mò nitu mulék naw e tnógó tum duen mò ken me lewu me yóm ngau. Tek són tu dù ngà ken me, ne angat me matay lemnus mni.”

Hagay 1:5

Là getnef ye du kô yóm kmò kógów klowil ye?

Hagay 1:7

Là getnef ye du kô but nim kmò kógów klowil ye ni?

Hagay 1:10

Yó gónóm mon, là kóen bud kmulón bè benwu ye ne laen kô dù hol tmowok du yó kem hulu ye.

Hagay 2:17

Hbelu tey lenos kinì ne hetbóhu bulók kulón eta yó kem hulu ye anì sidek. Okóm baluen ke lómón yó kmoen, là kô ye dog hegsel.

Dwata 28:17

Angat tnafak Dwata yu anì laen dù lem abì ye ne anì laen dù lem kuleng ye.

Kem Udél Hlalak Tehe Selumun 11:24

Yóm tau là sgafasen mom temnù yóm gónón wen ne yóm tau ngalihen yóm tô mò blayen fen temnù kélélen.