Hagay 1:4 - Udél Dwata: Gna Kesfasad ne Lomi Kesfasad

⁴ “Ó kem dou tau, moen de ke fen ye nô bè yóm tey gónô knóón deng hdà ye, igò yóm dou Gónô sana tolo kegbaen?

Hagay 1:4 Referans Kwoze

2 Samwél 7:2

omin Dabid tminok ke Natan, yóm tugod Dwata ne monen mò du, “Ngem, fene nô bè nim tey gónô tilob nmò bè koyu sidar, okóm yóm Slungan Dwata fen nô bè yóm gónô nmò le bè kulit ógóf.”

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Hagay 1:9

Tey gel kehdón ye du ke bong yóm gel tbas ye, okóm tek udì uléken. Bè yóm gel kwit ye du eta yóm gel nuta ye yó, mom nyufu hlayuk. Tngón ye kô but gónóhu mò du yóm yó? Abay se sana tolo kegbà yóm dou Gónô, mom hegna hdà ye yóm kuy gónô ne tódô ket tau tendo lala mò du yóm kun gónô.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Jirimaya 52:13

Yó nmò yóm kmandér yó, gotu ntemen yóm Gónô Dwata ne yóm gónô bong yóm tau hol geta mogot kul ne kdê yó kem dumu gónô bè Jirusalim. Gotu hegbaen snéen yóm kdê gónô lembang lem Jirusalim.

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Jirimaya 33:12

Yó udél yóm Dwata laen dù là gbeken du, monen, “Yóm benwu là hyu bud menwu du nim kmoen ni, laen dù tauhen kkólen bè yó kem ógóf deng le gotu lana, angat bud wen kem tau semgyok ubiha nô du.

Jirimaya 33:10

Yó bud udél Dwata, monen, Yó gel mon ye, ‘Deng tey kehsidek le du yóm tonok ni. Laen dù bud tau tonem kkólen bè yó kem ógóf, deng le gotu lana.’ Okóm bè yó kem lan laen dù tauhen bè Jirusalim nim kmoen ni kkólen bè yó kem dumu benwu glem lem Juda, angat bud wen

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Jirimaya 26:6

ke henlós ye yóm là kimón ye, angat genbau yóm Gónóu ni hol lómón yóm tehe kegbau bè Silu, yóm benwu tehe gna gónó ye tmaba ebéléu. Ke deng ton yó kem dumu tau bè klamang benwu yóm angat kegbau yóm Jirusalim ne ke wen henmulà le, angat mon le, hol mkél bè Jirusalim he yóm ktafak Dwata kóm.’ ”

Kem Lingón 102:14

Yakà tey hen-gulam le yó kem botu bengen yó kem tau tóbóng lówóhem, balù yó kem kfung bè lan, tey kkamà le du.

Kem Lingón 74:7

Gotu ntem le yóm Gónóem, deng tódô gotu sulék mlób. Deng nemeg le yóm kóm Gónô mit yóm kóm boluy.

Jirimaya 22:14

Megtafak bè yóm kmonen du, ‘Angate hemdà gónô bong, hwenu kem dfélen ne kem tembó bengen, nbengu koyu sidar tilob boohen, ominu bemtulà du yóm btulà móntóng hulô.’

Hagay 1:3

Duhen yó, wen udél hwit Dwata ebélê le hlanen bè Hagay yóm sotu tugoden, monen,

Hagay 1:5

Là getnef ye du kô yóm kmò kógów klowil ye?

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

2 Bok Kem Tau Hol Geta 5:26

Okóm yó mon Ilaysa mò du, “Ilóem là tngónem du kô yóm knóu béléem bè yó bè yóm kekmó Naaman ta klitunen nan e keslong kóm? Sundu ni du yóm kdaw kehmóyô filak ne nes ne gónó hmulu koyu ulib ne gónó mulu grép, duhen ke kehmóyô ubiha ne safì ne kem tóbóng lówó.

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.