Hagay 1:2 - Udél Dwata: Gna Kesfasad ne Lomi Kesfasad

² Yó udél Dwata ebè Hagay yóm Dwata laen dù là gbeken du, monen, “Gel mon ni kem tau nô bè ni, ‘Là deng ni du he yóm kdaw bud kehdà tekuy du yóm Gónô Dwata.’ ”

Hagay 1:2 Referans Kwoze

Nihimaya 4:10

Ominen wen udél le tmalaw yó kem tau Juda, mon le, “Deng laen dù bud kgis le ne yó kem tau mogut lusok botu. Lelen tey wen he dù luduk bè yó, là gbek me bud hemlel du yóm beng botu hdà me.”

Kehedem Tau Tmolok 11:4

Ke nam na hol nangat yóm kehyu kdaw, laen kô dù huluhem, ne laen se kô dù nutahem.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Lista 13:31

Okóm yó mon yó kem tau dumu Kalib hemkana, mon le, “Adéy, là kô gbek tekuy kul. Yó kem tau yó, tey le setgel senta tekuy.”

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kem Udél Hlalak Tehe Selumun 22:13

Yóm tau lemfu tódô kem mngak liyun hekawang, monen, “Mataye mni ke hewae.” Mò dawahen anì là moen nmò.

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Hagay 1:3

Duhen yó, wen udél hwit Dwata ebélê le hlanen bè Hagay yóm sotu tugoden, monen,

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.