Hagay 1:12 - Udél Dwata: Gna Kesfasad ne Lomi Kesfasad

¹² Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Hagay 1:12 Referans Kwoze

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Lingón 112:1

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.

Hagay 2:2

Bud hógówen Hagay ebè Sirubabél yóm gubérnor bè Juda ne ebè Juswa yóm geta bè yó kem gel demsù ebè Dwata ne ebè kdéen tau. Yó udél hwit Dwata ebélê le, monen mò kul,

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Kulasi 1:6

Yóm Tulón Hyu yó, tódô senflósen tmóbóng tau ne tódô senflósen se mból ebè yó kem dumu benwu. Hol lómón se yóm deng gendengen lem blóng ye lemwót bè yóm hol tanay kdaw kungol ye du yóm kun tóbóng Dwata, ne yóm kegnóm ye yóm kehyuhen bélê ye.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Dwata 31:12

Gotu sentifun ye yó kem logi ne yó kem libun ne yó kem ngà ne yó kem tólóng tau menwu lem blóng ye anì tódô kdê le gotu mungol du. Ne lemwót bè yóm kungol le du, gónóhen wen klikò le mulé ke Dwata yóm sana kul Dwata hol gónó mogot ne hteneb le mimón du yó kem toloken kul.

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Dwata 31:13

Hol nmò ye nim ni anì angat gungol yó kem ngà ye là deng mungol du yó kem hlau Dwata ne anì wen klikò le mulé ke Dwata se kul. Hol nmò ye nim ni bè yóm igò ye mowil ta yóm tonok móyón nfun ye nô sentu Él Jurdan.”

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.